昨日有婚宴專門店開幕，並預先公告邀請到視帝黎耀祥及視后鄧萃雯擔任剪綵嘉賓，豈料未有到場，負責人吳剛解釋二人因工作未能出席，為名單出錯道歉，但祥仔昨日卻於微博上載消息，聲明從未接過有關工作，希望大家勿受騙。

借視帝視后過穚宣傳的吳剛，於現場向傳媒表示，上星期已知祥仔和雯女工作忙而不能出席活動，更謂嘉賓出席名單出錯，表示不好意思，又謂會親致電兩人解釋。不過，昨日祥仔在自己微博上表明，從報章看到「星蹤」感奇怪，因自己從未獲邀請，故希望大家勿被騙，更親自致電部分傳媒，避免大家撲個空；至於雯女亦表示沒有接過此工作。

其他出席藝人則有林文龍及張文慈等，林文龍現在的湊女經驗豐富，而且無懼邋遢，「曾試過替女兒換尿片，即使被女兒的原子彈熱漿整到手，都不會覺得污穢！而可盈湊女時母愛豐富，是位好媽咪。（再生BB？）等天安排。（經常湊女會減少工作？）無，係暫時唔拍劇集，只接一些登台和活動的簡單工作。（推劇損失多少？）唔可以用錢計。而我和朋友合資搞飲食生意，現在學習經營，或年底才拍劇。」

張文慈離開亞視講多謝

另外，張文慈表示已跟亞視再沒合約並已離開，問她有否失望？「無所謂，無特別期望。我以前皈依咗，但早前發咗個夢，加上經歷過神的見證，整個人叮一聲，信咗主又返教會。目前接內地啲登台及活動工作，收入多以前幾倍，內地觀眾亦有睇過我演嘅《我和殭屍有個約會》及《情陷夜中環》。（對亞視又愛又恨？）無恨，愛多，多謝亞視，亦祝福亞視再開劇。」

■文龍昨日大談湊女經，說曾替女兒換尿片，即使掂到「熱漿」都不覺污糟。

■文龍大讚可盈是位好媽咪。（資料圖片）

■吳剛解釋上周已知祥仔雯女未能出席，又為名單出錯道歉。

■祥仔昨在微博表明從未獲邀出席活動，呼籲大家勿受騙。