偷食再斷正 吳浩康玩人妻

吳浩康早前被斷正,背住未婚妻鍾舒漫與巨胸o靚模Yvette又攬又啜。其後,偷食男情史愈揭愈臭,被指一個月內連媾六女,戰績彪炳。

記者收到消息,吳浩康有鋪玩人妻癮,早前他被影到當街與兩熟女攬腰截的士。據知其中一名大胸熟女已為人妻兼人母,名叫Heidy,早年下嫁法國老公,現為瑜伽導師。她與吳浩康認識一年,且過從甚密,兩人擺明貪玩完冇手尾跟。

再爆吳浩康玩人妻
就手吼人妻
除了大胸 Yvette,吳浩康更被踢爆一個月內在夜場連媾六女。其中在 1月尾,他與兩個着貼身黑色衫的熟女截的士時,當街攬抱,態度親暱。着喱士性感裙的 Heidy,原來已婚並育有兩子女。

男友偷食報道出街後,作為虔誠基督徒,堅貞不二的鍾舒漫周一( 2日)首度開腔:「心裏係唔舒服,佢咁做係唔啱。我哋會好好處理我哋之間嘅事,俾大家一個緩衝期,休息吓!」表示對吳浩康還有期盼,但實則她對雙方關係有保留,日前更沒收男方深灣道香閨鎖匙,不許吳浩康自出自入。

吳浩康遭踢爆偷食 Yvette後,他亦遭其他傳媒踢爆一個月連媾6女。記者收到消息, 6女中其中一名穿性感喱士裙的索女,名叫 Heidy,今年 30歲,原來已為人妻兼人母。據知身為前空姐的 Heidy,與吳浩康認識一年。二人在中環著名蒲點 dragon-i邂逅,且一見如故,試過多次背住對方的正印約會。

再爆吳浩康玩人妻
仲有乜嘢呃我!(設計對白)

積犯攬啜斷正

再爆吳浩康玩人妻
上周吳浩康背叛未婚妻鍾舒漫,在尖東街頭攬啜 35E Yvette。事後吳被爆與 Yvette本是舊相好,親密關係已維持四年,亦即吳與鍾舒漫拍拖兩年,瞞足兩年。

再爆吳浩康玩人妻
一王雙后
除 Heidy外,當晚截的士時,當街攬實吳浩康的另一熟女,據知亦早已結婚,同樣喜愛夜蒲,經常和 Heidy孖實到蘭桂坊覓食。

偷食再斷正 吳浩康玩人妻
戰衣着足一日
未與吳浩康約會前,當日下晝 Heidy(左)相約姊妹出席生日 party。事後她冇換衫便直落與吳見面,喱士戰衣由朝着到晚。

闢私竇短敍

據知 Heidy的丈夫為法國人,二人結婚三年並育有兩個子女,其夫長期在外地工作,故夫婦常分隔異地。知情人士指 Heidy喜愛夜蒲,是 dragon-i常客。在其 facebook相簿中,不難發現她性格 open,三點式泳照任睇,但老外老公和仔女,卻鮮有在 facebook出現。
由於 Heidy有丈夫及子女,吳浩康覺得玩起上嚟唔易上身,因此定時與 Heidy見面。每次夜蒲後,吳浩康更會帶她到私竇,直落玩天光。據知情人透露:「阿 Deep(吳浩康)依家喺麗港城同阿爸住,其實佢租咗另一座一個單位做私竇。佢同 Sherman(鍾舒漫)講呢個單位係用嚟夾 band同寫歌,但其實同啲女蒲完之後,就帶上去短敍。佢同 Heidy年幾前喺 dragon-i一撻即着, Heidy夠主動,而阿 Deep把口崿過油,行埋話咁易。」
據知, Heidy每逢法國老公出外公幹,便會主動約吳浩康夜蒲,再到男方私竇短敍。知情人透露:「 Heidy雖然嫁咗人兼生埋仔,但到依家都仲未定性。恃住老公唔管佢,除咗吳浩康外,仲同其他男蒲友玩得好埋。遇正吳浩康,咪正好係姣婆遇着脂粉客囉!

大胸少婦


Heidy年約 30,曾任職空姐,現為 Pure yoga教練。在其 facebook內,放有大量三點式泳衣自拍照,雖已是兩子之母,但上圍依然堅挺。


拗腰軟骨
現任瑜伽教練的 Heidy,在不少照片中做出多個瑜珈高難度動作,身材撩人。


嫁法國老公
Heidy其實已有一位法國籍老公,但喜愛夜蒲的她,婚後依然經常流連蘭桂坊夜店,一年前結識同樣爛玩的吳浩康。

少放 B相
Heidy兩年前先後為法國老公誕下兩個仔女,但在 Heidy的 facebook,只放有一、兩張抱 B相。

靠口才溝女

據吳浩康身邊友人透露,吳食女未逢敵手,幾乎每次出去玩都有斬獲,全因他口才了得。「阿 Deep寫歌的嘛,有咩肉麻嘢講唔出口啫。佢每次出手,行埋個女仔度唔夠 15分鐘,就可以一齊走?喇!講真出得嚟蒲唔係話要靚仔,但一定要夠主動,阿 Deep每次睇啱目標都會第一時間出擊。」

維護偷食康

周一( 2日)鍾舒漫首度現身回應吳浩康偷食一事,指現時與吳處於緩衝期,雙方需要休息。但當問她是否知道吳浩康約會人妻時,鍾即緊張地說:「我知,佢有同我備案!」

沒收屋企鎖匙
偷食事件曝光後,雖然鍾舒漫表明已原諒男方,但日前有指屋企已凍結她「嫁期」,鍾亦收回吳浩康鎖匙,令他不能自出自入其香閨。

寄情作歌
被吳浩康傷透心的鍾舒漫,人前表現堅強,但據知她在家中日日以淚洗面。近日她和細妹埋頭作歌,藉此減輕痛楚。

心軟判緩刑

雖然偷食事件斷正,但吳浩康同樣憑口才,o氹掂本已死心的鍾舒漫。知情人透露:「 Sherman(鍾舒漫)係一個好保守嘅人,對愛情嘅執着真係你估唔到。試問佢點會接受到男友偷食,仲要圖文並茂斷到正吖!不過因為佢係虔誠教徒,就算對方做錯都會寬恕,至今都係覺得阿 Deep係一時衝動。加上阿 Deep出動埋公司戰友阿 Ken(洪卓立)、陳家樂輪流幫佢求情,又每隔 15分鐘就 WhatsApp Sherman道歉兼噓寒問暖,女仔實心軟啦。」
周二( 3日)傍晚,潛水多時的吳浩康終於步出寓所。面容憔悴的他眼袋極深兼眼紅紅,對於斷正偷食一事,他坦言自己做了件好錯的事,連後悔都彌補唔到。記者問他現時與鍾舒漫的關係時,他就表明雙方關係正在處理中。可是,當記者問到他溝人妻時,他即緊張口震說:「冇嘢、冇嘢想講,唔好意思!」然後快步折返寓所。
遭未婚夫背叛,即使全人類勸諭及早放手,但鍾舒漫連日依舊為吳說好話,表示原諒對方。周一( 2日),問她知否吳浩康偷會人妻一事,即緊張地表示:「我知……我一直知道……佢(吳浩康)有同我備案。我唔介意,每個人都有自己嘅生活圈子嘛!我都會識啲結咗婚嘅男性,係好正常。」
套用她的歌〈吞聲忍氣〉其中兩句「獨自在吞聲忍氣都不想放手,怪我太想挽救慣了有你的節奏」,似乎不幸言中鍾舒漫現時的心聲。

憔悴眼紅紅
再次犯錯,潛水多日的吳浩康,周二( 3日)外出時頭耷耷眼紅紅,表示與鍾舒漫關係仍在處理中。

問人妻掉頭走
當記者問他溝人妻一事時,吳即急步快走,喃喃自語:「冇嘢、冇嘢想講!」徑自走回家中。

偷食前見家長
吳浩康和鍾舒漫拍拖兩年,關係已到談婚論嫁地步。新年期間,雙方家長更約埋一齊食飯。可惜吳浩康唔自愛,因為偷食而失去一個好老婆。

爛煙爛賭
長期冇嘢做的吳浩康,最初曾為鍾舒漫改變,教泰拳和組 band出騷,積極儲老婆本,更承諾戒煙戒酒。可惜近日故態復萌,煙酒不離身,更流連投注站。

大胸Yvette疑似整容兼隆胸

吳浩康偷食嘅大胸妹 Yvette Chow,原來 18歲已經做人二奶,試過同人大婆攤牌攞掟煲費,同時間一腳踏幾船。在她的舊照中,更發現她疑似整容及上圍再度發育!

32歲的 Yvette,英文拼音為 Chow Lok Man,在翠屏邨公屋長大,自小無心向學,中學後轉讀職業訓練局,最終都係靠身材搵食。
據其相識多年的o靚模好友爆料:「 Yvette 18歲已經做咗太子酒吧『 Party 16』老闆 Jacky嘅二奶, Jacky大 Yvette廿幾年, Yvette話明為錢至跟佢。 Yvette好狼死,試過同人哋個大婆攤牌吵大鑊。 06年,佢同 Jacky分手,仲周圍同啲姊妹講要 Jacky俾廿萬掟煲費。
「 Jacky兩年後要求 Yvette復合,但嗰時 Yvette已經同一個大陸武指一齊,不過佢又同番 Jacky一齊,一腳踏兩船。 Jacky老婆知道又再發癲,同 Yvette講數,最終 Yvette同 Jacky早幾年至真正分開。分開後 Yvette又識咗條水魚,係個四十幾歲嘅金融才俊,矮過 Yvette,但就好疊水。」

其實 Yvette未入行做 model時,曾經做過嘉士伯啤酒妹,試過在馬會駐場賣啤酒。當時她鼻扁兼鼻翼闊、眼袋又大、身材平平無奇,但突然間變了間尺鼻,身材突出,後來更成功踩入 model界。
「 Yvette唔係好多騷行,不過佢依家出親騷,個男人都會揸架紅色法拉利接送。金融男友好錫 Yvette,出咗張黑卡俾佢,不過 Yvette就嫌佢矮過自己。 Yvette同武指仲一齊㗎,貪個武指靚仔吖嘛!至於吳浩康呢啲,大家都係打友誼波㗎啫!」 18歲就做二奶,現在更一腳踏三船,吳浩康呢個對手的戰績都唔弱!