恭喜，恭喜，「四爺」同「若曦」!現年44歲的台灣演員吳奇隆同27歲的內地演員劉詩詩，2013年11月才在微博公告戀情，據知他們是拍內地熱爆劇《步步驚心》而傳緋聞，今日再「下一城」，今早在微博貼出結婚證及婚戒，正式結為夫妻。

吳奇隆更在微博留言：「珍惜、幸福。」劉詩詩亦在自己微博轉發吳奇隆留言，寫道：「我們很幸福。」二人拍拖一直愛得癡纏，雖然吳奇隆曾經失婚，不過他早前就公開講過視女友為結婚對象，去被爆秘密同居，原來是先試同居生活，今日就正式結婚。

與前妻馬雅舒因財失義離婚 傳吳奇隆俾百萬贍養費

現年44歲嘅「四爺」吳奇隆同27歲嘅「若曦」劉詩詩今日喺微博宣佈婚訊，正式領取結婚證書，結成夫妻(新聞連結：http://bit.ly/1yCeJly)。

今日吳奇隆再次成婚，應該真係好愛「若曦」，先鼓起勇氣，據知，曾經歷失婚嘅吳奇隆，喺06年底於昆明同拍拖5年嘅內地女星馬雅舒註冊結婚，二人屢傳婚變，婚後聚少離多，兩年只見過五次面，08年更因財失義，難頂老婆係「管家婆」嘅性格，09年因老婆馬雅舒被爆同澳洲男友「爆房」，先揭穿二人早喺08年底簽下離婚書，結束短暫嘅婚姻。

馬雅舒都講過吳奇隆送佢4間屋同約142萬港元嘅鑽戒，但佢都係唔滿足，有傳吳奇隆當年以巨款換回「自由」，將名下8間屋嘅其中6間過戶俾前妻，另再附加100萬人民幣作贍養費，合共約2300萬港元。

其實吳奇隆入行咁耐，緋聞一直唔多，94年與楊采妮合拍電影《梁祝》曾傳撻着，至99年初同蔡少芬(Ada)因合拍電影《還我情心》時擦出愛火花，拍拖三年，雖然二人曾經歷過Ada代母還債千萬嘅難關，但呢對小情人最終亦因性格不合，而正式分手。01年吳奇隆又因拍劇愛上內地女星馬雅舒，婚後兩人各散東西開工，聚少離多，搞到離婚收場。