繼黃耀明﹑何韻詩﹑趙式芝公開出櫃，以及王賢誌默認同志身份後，獨立創作歌手吳彤今日都喺新城節目中，公開承認是同性戀者，吳彤話：「因為已經分咗手，加上我係獨立創作歌手，冇嘢要驚，我唔想俾人覺得我講大話！」吳彤指舊情人有兩位宗教好友反對同志，所以唔願意公開關係：「希望宗教朋友唔好將信仰建築喺別人痛苦上。」

吳彤講佢同與另一半分手個多月，講到眼紅紅，佢好傷心咁話：「我冇估到會咁痛，要多啲時間，同埋我有呢個決定都有同佢講。我都有同屋企人講過鍾意男仔，媽咪ok嘅，爸爸仲要時間接受。」

吳彤又話讀書時曾經同女性拍拖，後來清楚自己喜歡男性，仲同兩位男生拍過拖，有雜誌指佢另一半係鄭家維？吳彤即澄清話唔係，佢同對方只係好朋友。

吳彤出櫃認同志，仲自爆同另一半分手個幾多。

吳彤獲董敏莉擁抱安慰。