吳彥祖媽媽病逝 繼續留美陪父

吳彥祖(Daniel)3個月前得悉母親大腸癌症復發,立刻帶妻女趕赴三藩市照顧母親。

為了專心在美照顧兩老,他還解散了經理人公司,將暫別娛樂圈一段時間,但想不到其母病情加速惡化,上月底已經離世。

據知情者透露,Daniel一向很孝順,母親彌留時,他與家人一直守候在側。85歲的吳母走得安詳,但Daniel十分傷心。

Daniel在美國已處理完母親身後事,但暫時不會回港,因為遺留下來的80多歲父親,一直與吳母相依為命,突然失了老伴,始終未適應,故此Daniel打算留美國再陪伴父親一段日子,順道安排女兒在美國入學。

現時他覺得陪伴家人是其人生的重點課題,特別是女兒出生後,他不希望因演戲,而犧牲了陪伴女兒成長的珍貴過程。

記者向Daniel的經理人樂小姐求證吳母去世一事?她表示:「呢啲係佢家事,我唔方便講啦!因為佢唔係好想提家事,總之Daniel暫時都會留喺美國,要照顧家人,又要安排個女入學讀書。雖然經理人公司已結束,但係佢仲有啲廣告合約未完,所以佢都要完成埋啲手尾。」

不過樂小姐強調Daniel不是完全息影,她說:「佢仲會拍戲,不過以後可能要兩邊走,遲啲有適合嘅戲,佢會返嚟拍。其實0依家都有啲電影傾緊,但未定幾時會拍。」

吳媽媽前年曾罹患大腸癌,當時Daniel曾飛回美國照顧母親個多月,待母病情穩定下來才回港拍戲,想不到幾個月前母親癌症復發,而且一下子擴散得很快,已經入骨,在家中稍被東西碰一碰就會跌倒,Daniel十分擔心,而他可以做的就是立即偕妻女返美,陪伴母親走埋最後一段路。

吳彥祖媽媽病逝 繼續留美陪父
(資料圖片)