豪遊布吉 入宮無望 洗米華家姐爆粗鬧Mandy

去年12月,周焯華(洗米華)同由英國回港的Mandy Lieu,即晚上演世紀一拖後,洗米嫂陳慧玲(Heidi)宣布投降,拉鋸一年半的「搶米戰」終於分出勝負,Mandy Lieu大獲全勝!

回復自由身的洗米華,更加一心一意獨愛Mandy,全副精神照顧兩母女。日前一家三口去布吉家庭樂,洗米華父愛氾濫,全程抱實B女唔放。八個月大的B女好足秤,手長腳長,樣似爸爸,得對眼似媽咪,有混血味道。

新年見阿爺 八個月 B女認祖歸宗 洗米華 Mandy全家豪遊布吉
1月31日,Mandy和洗米華帶B女,同行還有一名幫手湊B的Mandy親戚,一行四人從英國出發飛曼谷,再轉早機去布吉,展開海上之旅。

新年見阿爺 八個月 B女認祖歸宗 洗米華 Mandy全家豪遊布吉
泰國港人多,為免B女被曝光,洗米華時不時兩頭望好警覺,又經常將B女塊面緊貼自己心口,仲校到最後一秒才到閘口登機,全程抱實B女的他,一副冧樣。

昨日有雜誌報道,指洗米爸已經開到口,要見孫女。今個新春,Mandy將會抱埋囡囡同爺爺拜年,正式入宮。不過,實際是年廿八洗米華會同老爸、家姐、仔女去東京旅行,根本不會在香港過年,只不過Mandy確實計劃3月回流返香港定居,洗米華都想同老婆辦妥離婚手續之後,搬到香港同Mandy一齊住。

豪遊布吉 入宮無望 洗米華家姐爆粗鬧Mandy
有讀者爆料,將洗米華家姐Candy的facebook留言轉發給記者,留言雖然沒指名道姓,但明眼人一看就知她是針對Mandy來講,爆粗留言:「你XX死八婆……你咪X屈我老爸,你咪X儍啦,人在做天在看,臭八婆你咁X賤同X街,你爸媽知道嗎?」據知情者講,洗米爸一家都還是同洗米嫂一齊住,好疼這個媳婦,這個時候洗米華老爸沒可能肯見Mandy母女。

豪遊布吉 入宮無望 洗米華家姐爆粗鬧Mandy
洗米華年廿八會同老爸、家姐、仔女去東京旅行。資料圖片

评论已关闭