富貴小三倒貼吳浩康四年 鍾舒漫暫時分手

吳浩康婚前偷食 35E富貴模 Yvette,傷透的鍾舒漫即時解除婚約!日前,吳浩康登門求情 4粒鐘,明顯心軟的她決定判男友緩刑,再觀察半年,俾多一次機會對方:「情侶關係暫時斷一斷!」

至於介入二人戀情的小三 Yvette,其實是吳浩康舊相好,維持友誼波已經四年。據了解,財來有方的 Yvette就算有內地武指和猛料男友打孖照顧,仍甘願倒貼長期冇工開的霉浩康。為自己謀福利,吳浩康同鍾舒漫拍拖兩年!瞞足兩年!

登門死纏4粒鐘 鍾舒漫:情侶關係斷一斷 友誼波四年 有米小三倒貼霉浩康
再行差踏錯,失去未婚妻的吳浩康,本週二(三月三日)外出一臉憔悴,坦言傷害咗 Sherman,令佢萬分懊悔。

小三接濟

一大抽偷食往績的吳浩康,自戀上圈中「聖女」鍾舒漫後,曾戒煙戒蒲,又勤力到派傳單、教泰拳、組 Band出騷乜都做,甚至同女友去做婚前輔導,嘗試生性做人。
可惜有頭威冇尾陣,轉眼便打回原形。雖然仍屬英皇旗下藝人,卻長期冇工開,收入有限,幸好有舊相好 Yvette,倒貼接濟!

登門死纏4粒鐘 鍾舒漫:情侶關係斷一斷 友誼波四年 有米小三倒貼霉浩康
鍾舒漫
登門死纏4粒鐘 鍾舒漫:情侶關係斷一斷 友誼波四年 有米小三倒貼霉浩康
去年底,有結婚打算的他倆,曾返教會接受婚姻輔導。

「阿 Deep同前女友 Hazel拍拖嗰陣已經搭上咗 Yvette,大家都各有另一半,但會定時見面短聚。 Yvette喺模界出名係散餐王,好鍾意揀啲有女友嘅男人埋手。佢入行以來 model job唔多,但周身名牌、揸 Benz,有層五百幾萬嘅樓,每個月又會坐商務去日本一、兩次,好有計! Yvette之前有個富商男友,而家就同時有個大陸武指同個猛料男友,咁多年來佢都有補貼阿 Deep,又成日彈啲 job俾佢。可以又食又拎,阿 Deep點捨得斬纜!」知情人說。
本週一(三月二日), Yvette在鑽石山寓所樓下的便利店,見到有雜誌報導自己,即買。怕被街坊認出的她,見到本刊記者再一聽「小三」兩個字,即刻驚到用手遮面,速逃!

登門死纏4粒鐘 鍾舒漫:情侶關係斷一斷 友誼波四年 有米小三倒貼霉浩康
巨乳 Yvette,一聽記者追問與吳浩康偷食一事,即拔足狂奔。

登門死纏4粒鐘 鍾舒漫:情侶關係斷一斷 友誼波四年 有米小三倒貼霉浩康

登門死纏4粒鐘 鍾舒漫:情侶關係斷一斷 友誼波四年 有米小三倒貼霉浩康
樣貌人工化的 Yvette,當日披頭散髮落街,原來為買本報導她與吳浩康新聞的八卦雜誌。


Yvette在網上放很多巨乳性感相,不過與吳浩康偷食爆出後,她即剷走相片。


偷食啜爆當晚, Yvette把與打友誼波的吳浩康敍會舊相放上網,開心「些牙」!

交還鎖匙

至於吳浩康,為箍番鍾舒漫,週日(一日)晚十一點,夜訪女友家,求情四粒鐘;直到半夜三點,才一臉殘樣離開。
據悉,鍾舒漫決定和吳浩康回復普通朋友關係,並要求他交還屋企鎖匙,從今不能自出自入她的香閨。
「 Sherman一入行就識阿 Deep,拍拖前大家乜都 share,所以佢覺得阿 Deep對自己好坦白,應該唔會呃佢;就算明知阿 Deep係積犯(偷食),都堅持同佢一齊。 Sherman今次真係好傷心,頭幾日係傷到喊唔出嗰隻!阿 Deep亦好後悔,因為喺佢人生低谷時,只有 Sherman支持佢,百分百信佢,所以佢好希望可以追番 Sherman;亦承諾唔再同 Yvette來往,今次真係斬纜!」知情人說。


交還鎖匙
週日(三月一日)晚十一點,吳浩康到鍾舒漫家中求情四粒鐘,交還香閨鎖匙後,頭耷耷離開。


吳浩康偷食斷正後,妹妹 Sukie陪伴鍾舒漫左右,去超市購物時,鍾舒漫顯得心事重重。上週四(二月二十六日),鍾舒漫和妹妹先去買家品,再到超市購紅酒和食物。

今年情人節,吳浩康和鍾舒漫到君悅酒店燭光晚餐慶祝,但事隔幾日,他就同 Yvette到尖沙咀 K11食晚飯,在街上又嘴又拖。阿Deep話無論如何要捉緊 Sherman,如今傷透女友,他悔不當初。

吳浩康舊愛莊思敏認為應該俾時間 Sherman冷靜,而對於吳浩康是否花心男,她拒絕回應。

觀察半年

週日(一日),素顏 Sherman戴口罩返教會崇拜,其間專心聽道和唱詩歌,靠信仰重新站立。

本週一,鍾舒漫向記者直認,暫時同吳浩康分手。

記:記者 鍾:鍾舒漫
記:阿 Deep有冇講佢同 Yvette係舊相好?
鍾:佢同我講佢哋係朋友。
記:覺唔覺得佢哋藕斷絲連?
鍾:我諗佢哋係朋友 keep contact囉。
記:你講同阿 Deep係緩衝期,係咪指分手限期?
鍾:其實緩衝期係我哋情侶關係暫時斷一斷,但呢段時間我哋會 keep contact。
記:點解會有咁嘅限期?
鍾:我諗大家都需要時間抖吓又好,了解吓又好。
記:想觀察吓?
鍾:需要時間去諗。
記:睇半年?
鍾:呢啲我哋自己 deal。
記:你收番屋企鎖匙?
鍾:呢個唔講,唔使太 details。
記:佢話好後悔冇咗個好老婆!
鍾:我唔知佢講過。
記:你已經原諒佢?
鍾:原諒咗啦!

恨錯難返

據悉,鍾舒漫解除婚約後,知衰的吳浩康曾向友人哭訴,因為偷食而失去一個好老婆,難以原諒 自己。
後悔太遲,本週二(三日)早上,謝晒的吳浩康外出工作,被問跟舊相好 Yvette偷食一事,吳浩康只說:「唔想探究曾經嘅事,因為佢都有佢嘅生活。」
全程頭耷耷的他,對偷食事件,不停重複說好傷害 Sherman。「做咗一件好錯好錯嘅事,連後悔都彌補唔到。」
問吳浩康覺得自己最錯是那一點?他說:「講大話,傷害咗佢(鍾舒漫)同佢嘅屋企人,同埋佢對我嘅信心冇咗就係冇咗。(有冇同女友父母交代?)遲啲我會搵 auntie同 uncle,交代番晒件事。」
過往有多次劈腿記錄的吳浩康,對於自己重複犯錯,嘆一口氣說:「係冇得原諒嘅事。( Sherman話原諒咗你!)依家我只想承擔番自己做錯事嘅後果。」說罷,便匆匆跳上的士。

戀上鍾舒漫後,吳浩康立志改過,更去戒煙中心尋求幫助。去年吳浩康參與志願機構活動,更為該活動幫手派傳單,曾經積極生活。


鍾舒漫一家無條件接納吳浩康,所以對於深深傷害了她和她的家人,吳浩康十分自責。

劈腿慣匪

出道多年,吳浩康事業一池死水,但溝女戰績彪炳,更鍾意拖一個、食一個,是圈中有名食家。

戀 Yumiko照溝女
出道時,吳浩康跟同公司的 Yumiko發展地下情,爛蒲的他仍不停溝女,最終被 Yumiko狠飛。

拖胡定欣攬莊思敏
吳浩康跟胡定欣拍拖時,女方陪他經歷藏毒、打交等低谷日子; 06年,吳浩康竟然背胡定欣攬莊思敏,最後更選擇棄正印,揀有錢拿督女。

背莊思敏食 Olivia
衣食住行要靠莊思敏做水喉,吳浩康一樣夠薑搭上性感女子組合「 Mi55」的隊長 Olivia,近日 Olivia被影到同吳浩康行街,成為他背住鍾舒漫連??六女之一。

Hazel爆偷食
繼莊思敏後, 12年接棒成為吳浩康公開女友的o靚模 Hazel(唐紫睿),拍拖一年,最終因為難忍男友不停偷食,最後不歡而散。

龍友至愛

小三 Yvette Chow入行做 model大約五年

小三 Yvette Chow入行做 model大約五年,工作不算多,主要影平面相。由於性感永無 say no,身高 5呎 10,三圍有 35-26-36,獲不少龍友支持,在龍友界薄有名氣。
唔係紅模,但財來有方!由家住屋邨變成有樓有車揸手,早前她在健身公司任職的胞弟因欠百萬卡數, Yvette要賣車幫手還債。同時有內地武指及另一猛料背景男友雙重保障的她,自稱為將來打算,已考牌做瑜伽導師。