結婚8年終造人成功 47歲謝天華榮升爸爸

現年47歲的謝天華(Michael)和老婆Tina結婚8年,據知兩夫婦終於成功造人,BB將於明年春天出世,記者致電Michael求證,他初時支吾說:「唔……」其後禁不住喜悅承認:「係,有咗十幾周,都唔講住啦,你見我都好低調,屋企老人家話唔好咁高調住。」

之前有報道指Tina因輸卵管閉塞,令懷孕機會較微,有指Tina曾兩次接受人工受孕,可惜都失敗!問今次是否人工受孕成功?Michael沒好氣說:「唔好聽雜誌講,總之邊度都唔講住,屋企人意思等BB再大多少少先,因為o依家十幾周唔係太穩定,遲啲再穩定啲同大家講,你見我連微博都未post,最緊要等小朋友陀穩啲先。」

結婚8年終造人成功 謝天華榮升爸爸
謝天華昨在電話承認太太Tina已懷孕十幾周,但似乎怕BB「小氣」,不欲多談。(資料圖片)

問到太太情況?Michael說:「作嘔作悶實有,但唔係好犀利。」是否停工照顧老婆?他笑說:「梗唔係,要賺多啲奶粉錢,自己一直有做家務,0依家更加要,佢粗身大勢唔好爬高爬低,我哋仔女都鍾意,冇所謂。」

GiGi明日親身報喜

另外,同樣初次懷孕的梁詠琪(GiGi)被影到大肚look,估計有孕4個月,日前她和西班牙籍老公Sergio拍拖到數碼港放狗,老公全程小心翼翼拖着她,現年38歲的GiGi推掉三部片約安胎,明日將出席活動親身報喜。

至於初為人母的長腳蟹呂慧儀,連日在微博晒小蟹籽坐BB車相,留言:「男人鍾意車,小蟹籽都好喜歡呢隻醒神的顏色,同爸爸去街街都型仔!佢影嗰陣唔肯瞓平,係要坐起身先鬼咁精靈,驚我影唔到佢個樣咁,試完車就瞓番。」