《愛•回家》第二輯播咗超過一個月，首星期食住第一輯威勢，收視平均25點，但之後就開始直線下挫，最近平均收視跌到21點，好失威。
劇集收視半死，據知無綫下令若收視冇起色，農曆年前就會腰斬。高層當然諗計起死回生，原想搵馬家全部人「回家」救亡，可惜馬家演員已四散各劇開工，想齊人埋位都要11月。馬壯黎諾懿就話：「佢哋都係開始咗一個月啫，大家俾啲時間佢哋啦。」?家就係冇時間呢最慘。
無綫處境劇《愛•回家》第二輯，由張繼聰、黃翠如孭飛，頭一星期食住「新屎坑」兼第一輯舊粉絲，平均收視都有25點，但威咗一星期後即開始向下沉，最近收視更跌到21點，以無綫嚟講絕對響起警號！最慘收視差口碑更差，其中翠如更被狂踩睇到怕零演技，最近傳出若收視持續冇改善，農曆年就會收皮。
新一輯《愛•回家》由張繼聰、黃翠如孭飛，兩位甚有觀眾緣，可惜收視依然不理想。翠如自入無綫後，機會多，觀眾緣都唔錯，不過最近就俾網民話佢曝光太多，就連啱啱播完嘅《超強選擇一分鐘》都唔應該出現。
馬壯：唔好同我哋比！
《愛•回家》收視進入ICU，高層亦諗計救亡，原本諗住要「馬家」一眾成員回歸，希望吸納舊粉絲「回家」，可惜「馬家」已四散各劇，蔣家旻拍緊《警犬巴打》9月先完，徐榮忙拍新劇《巨輪II》，他說:「我要開到1月呀，播咗一個月啫，慢慢嚟啦，未聽過要我哋返去喎，觀眾睇多陣，熟悉咗佢哋，收視一定好番！」
而最受巴打歡迎的馬壯黎諾懿，正為新劇《純熟意外》開工，上週六(15日)黎諾懿在烏溪沙拍外景，他說：「未收到通知喎，我可能要拍到 10月，雖然開工但我都有睇新嘅一輯，我諗收視呢啲，大家觀眾俾啲時間佢哋啦，只係做咗一個月啫，唔可以攞我哋播咗三年去比較。」你肯俾時間啫，高層唔肯呀！
黎諾懿現為新劇《純熟意外》開工，劇中飾演男二，同女主角蔡思貝有不少談情戲。上週六（ 15日）在烏溪沙拍外景，對於新一輯《愛•回家》收視差，他說：「俾啲時間佢哋啦。」
雖然孭飛新劇收視差，不過翠如一樣紅爆，騷接騷，週日出席活動時騷長腿，係幾養眼嘅！
聽電視
第二輯男一張繼聰成日對住鏡頭講劇情，完全照顧師奶需求，但就令好多觀眾頂唔順太低智，加上同翠如一早係情侶，追看性大減。雖然收視一般，不過冇影響張繼聰嘅星途，首次做男一嘅《收規華》都會喺8月底播，到時一晚見到佢兩次，實入晒屋啦！
未夠班
除咗張繼聰、黃翠如外，新《愛》劇亦加了張震朗，吳業坤、何君誠、龔嘉欣，戲份不少，但後生仔都未必識佢哋，何況睇開 8點嘅師奶，收視低係正常。
《愛．回家》風光過
新一輯收視仆直，但《愛．回家》播咗超過3年，都曾經威過㗎，12年收視最高試過38點，當時講馬壯生母之謎，講到尾《愛•回家》都係靠馬家食糊。
其實黃翠如和張繼聰擔正的新一輯《愛· 回家》只屬客串性質，短暫加入劇組兩個月。劇集監製羅鎮岳承認二人拍完兩個月的戲份後，會暫停一段時間，他說：「因為佢哋出面都有嘢做，我要就佢哋期，劇情會交代佢哋因結婚意見不合，所以各自離開香港重新認識自己，不過有伏線畀佢哋隨時返嚟。（有傳馬家會歸位救亡？）佢哋都有工作在身，暫時冇咁嘅打算，不過時間許可，劇情又需要都會考慮。」對於有傳劇集收視如一直低迷，半年後會腰斬，他則力撐劇集收視跟上一輯相若。
張繼聰同翠如「分手」後做警察
張繼聰今日為新代言的健康產品拍廣告，對於有指《愛‧回家2》只是客串兩個月，他坦承一開始跟無綫洽談時都只是拍兩個月：「拍嗰陣TVB好好，因為我下個月要去內地拍電影，一早就知個期係咁，但TVB都好配合，我啲戲份上星期已經拍完，係一早計劃之內，翠如都係拍兩個月。」但他亦表示是次拍攝很開心，他跟翠如的感情線情節亦是處境劇罕有：「講我哋經歷一啲事之後會離開香港，同埋本身我哋係情侶，但之後要分手、打官司。不過拍劇嗰陣真係好有愛回家感覺，前輩好照顧我哋啲後輩。」
講到有指收視繼續不佳，有傳劇集會於半年後腰斬，對此阿聰表示聽過有這些傳言，自己沒有去考證：「不過我聽講收視都幾好，有21、22點都係average，不過都要多啲時間去pick up，始終觀眾對馬家有感情。」他又謂做演員無得擔心收視，因受不受歡迎要視乎很多因素：「不過我哋拍檔又開心，台前幕後又好用心做，我都當今次賺咗，唔會有壓力或擔子，同埋之前拍《愛‧回家2》啲時間都好舒服，呢兩個月係好愉快。」
最後，阿聰不忘為九月播放的新劇《收規華》宣傳：「感謝TVB不停畀機會，《愛·回家2》我嘅線完咗，九月就會播新劇。（唔怕觀眾睇厭你？）我唔怕呢啲嘢！我喺《收規華》係做個貪污警察，但最後會有改變，同《愛‧回家2》完全唔同角色。」