張名雅被淘汰喊爆 鄭俊弘全場最高分

無綫藝人歌唱比賽節目《星夢傳奇》昨晚首集錄影，今集有7位參賽者，分別有梁烈唯、鄭俊弘、黃智雯、張景淳、羅鈞滿、張名雅、袁偉豪。

當中以唱《時代曲》的鄭俊弘表現最好，成為全晚最高分，有174.9分。評判之一郭偉亮更加直言：「我覺得你不要做演員了，唱歌吧。」鄭俊弘賽後坦言，等呢個機會等咗十年，所以緊張到胃痛，不過對對自己有信心，但就唔會放棄演戲去做歌手，希望兩樣都可以兼顧。而黃智雯和張名雅則是最低分的兩位，雙雙被踼出局，張名雅更淚灑錄影廠。

而港姐張名雅唱完《華麗邂逅》之後就遭到淘汰，忍唔住喊咗出嚟，全晚彈多過讚嘅評判巫啟賢就讚佢夠膽，又話: 「要做到心中有歌，目中無人很重要。」

張名雅被淘汰，搞到喊晒口。

錄影前

Eric Kwok是評判之一。

鄭俊弘同「家明」

慘慘豬

鄭俊弘一開口唱歌，令評判讚爆。

不過佢話唔會放棄演戲去做歌手。

又喊

梁烈唯唔使面試直入圍 被彈一塌糊塗

唯唯雖然唔使面試入圍，但表現都係麻麻。

無綫搞嘅藝人歌唱比賽《星夢傳奇》，早前梁烈唯已經唔使面試自動入圍，不過佢就否認係內定三甲，噚晚錄影第一集，佢表現如何呢?

佢同黃智雯最後出場，唱吳雨霏歌曲《愛是最大權利》的黃智雯就被批對歌曲唔夠熟悉，揀錯歌，得146.3分，係全晚最低分，被評判一致狠批，巫啟賢毫不留情說：「你把聲又乾又窄！」Eric則說：「都講咗唱歌要注重咬字，你仲要係演員，所以我扣咗好多分！」智雯解釋該曲是首次演繹，結果被評判鬧得更勁，斥她準備不足有點Hea！

而唯唯演唱《等》時失準走音，巫啟賢就話:「拍子上一塌糊塗，毀滅了首歌。陳百強係我嘅經典，所以我要求會高。唔明拍子，難聽嚟講就是盲唱。」周啟生就反駁話：「夠啦，彈得太耐，人哋係後生仔仲有前途，你話佢盲唱，我話你係廢講。」

梁烈唯事後笑言：「如果係內定三甲就好了，我唔使咁緊張。」《星夢傳奇》被指抄襲內地歌唱比賽《我是歌手》，梁烈唯、袁偉豪、張名雅及主持之一嘅鄭裕玲都異口同聲否認，話歌唱比賽的形式都係大同小異。問到Do姐點解唔參加？佢笑言：「我唱得唔好，自己知自己事。」

主持崔建邦同Do姐

評判巫啟賢

評判葉倩文

一班評判合照

黃智雯包尾呀!

羅鈞滿唱歌被彈缺乏感情。

好投入咁

唯唯被彈拍子一塌糊塗

最低分就要被Foul啦….