《星夢傳奇》噚晚繼續錄影「星夢幫VS巨聲幫」嘅比賽，代表星夢幫嘅有王祖藍、陳明恩、張振朗同王君馨，對戰巨聲幫嘅胡鴻鈞、馮允謙、譚嘉儀及林欣彤（Mag），六組人分三隊對決。

監製麥鎮東表示今次對戰中，如果係星夢幫贏，就冇人被out；但如果係巨聲幫贏，就要out走星夢幫中最低分嘅一個隊員。由於巨聲幫有比賽經驗，因此會讓賽20分。

今次祖藍代星夢幫出戰，佢話：「睇過幾集，技癢自薦參加，我想俾人插同破低價（破最低分）。」你咁講，豈非累星夢幫輸？祖藍好搞笑咁話：「鄭俊弘咁高分，我咪試吓拉低，輸咗就退出樂壇。」

祖藍又主動問有邊幾位評判，得知係肥媽、倫永亮、陳奐仁同恭碩良之後，又笑言：「好老友，唔好手下留情畀低分我啦。」

祖藍笑言今次係佢自己主動提出代表星夢幫出戰，因為想俾人插喎!

人材濟濟

評判換了又換，眼都花。

祖藍想同子博鬥腿長？

許廷鏗(左)咩事腳仔軟？

許廷鏗同鄭俊弘對戰已有分數，不過TVB唔會公開住。

李璧琦又返嚟喇!加油!

巨聲幫林欣彤vs處女王君馨。噚晚聽完處女馨演出，是否另眼相看？

骨感處女馨 對戰高班小巨肺

《星夢傳奇》噚晚喺將軍澳電視廣播城一連錄兩集，因為今次係「星夢幫VS巨聲幫」嘅比賽，所以除咗有星夢幫嘅陳明恩、「翻版黃宗澤」同王君馨之外，仲有巨聲幫嘅胡鴻鈞、馮允謙及林欣彤（Mag）等。

王君馨喺噚晚播出一集同陳明恩合唱，技驚四座，就連評料之一露雲娜都大讚好聽，甚至感動到想喊。噚晚錄影時君馨亦成焦點，更亮眼是其高佻身材同性感打扮，令本已著咗「超高」高踭鞋嘅林欣彤喺佢面前都變成「小妹妹」。

不過林欣彤對戰王君馨，問林欣彤會否拉高分數？佢話：「唔好咁講，一日未唱都唔知，盡力而為。」佢又話知道君馨係唱得之人：「不過評判對我嚟講先係壓力，過咗聽日冇人記得你對邊個，但人哋就記得你唱成點，最緊要對自己有交待。」

至於陳明恩被問到要同「翻版黃宗澤」張振朗合唱，佢就話：「壓力唔大，不過今晚有少少發燒，鼻音重，但show must go on，係個學習機會。」

處女馨對戰小巨肺，邊個會勝出？

高下立現…身高個高。

先禮後兵。

君馨呢個動作，好易令人誤會林欣彤「硬」親佢…

邊個咁肉緊攬實君馨？

香香是也。

Mag走開，鬼妹行過，處女馨忙緊social。

陳明恩同翻版黃宗澤張振朗。

天生的表演者…但好似硬咗啲。

胡鴻鈞…你呢個甫士同打扮，好怪吓喎。

子博想sell自己腋下的毛嗎？

馮允謙與譚嘉儀