颱風「天兔」襲港，無綫歌唱節目《星夢傳奇》今午如常錄影，而噚晚錄影嗰集《星夢》，就有趙希洛同歌手出身嘅周子揚踩場挑戰，可惜兩人首次踏上星夢台板，就被叮走，而大熱門鄭俊弘同羅鈞滿，聯同陳明恩﹑姚兵及葉暐繼續留低。

「高分王」鄭俊弘之前輸過畀陳明恩，噚晚佢以英文歌參賽，再以180分贏番第一位；今次錄影鄭俊弘嘅師傅巫啟賢冇擔任評判，表現冇咁緊張，講到上次師傅畀佢低分（70分），問佢服唔服？鄭俊弘話：「當然服！」陳明恩就話贏過一次最高分已經好滿足。

另外，評判郭偉亮講到專欄作家李純恩話樂壇已死，佢話：「創作嘅嘢好難批評，要整爛好易，建立就難，死唔死冇人知，死後重生又得，死咗又得，只係0依家氣候對音樂唔重視，冇人買碟支持啫。」

鄭俊弘（中）揮低陳明恩及羅鈞滿，再成為高分王。

陳明恩唱功係唔差，但形象方面嘛，就真係要再執執佢。

周子揚雖然係歌手出身，但都難逃第一次參賽被out出局命運。

兩大熱門羅鈞滿及鄭俊弘。