鄭俊弘冧莊冠軍 巫啟賢力邀任個唱嘉賓
第二集《星夢傳奇》噚晚喺將軍澳電視城錄影,今集加入李璧琦同新人張明偉對戰。
喺第一集一鳴驚人嘅無綫男藝人鄭俊弘,今集持續有好表現,佢演繹《Angels》獻畀遠方嘅公公,佢表現得相當感觸,更忍唔住喊起上嚟:「首歌係我送俾遠方嘅公公,佢由細湊到我大,但離開時送唔到佢最後一程,覺得好自責。」最終鄭俊弘以179.5高分蟬聯冠軍。
星級評判巫啟賢大讚鄭俊弘唱歌好過好多出碟歌手,仲叫無綫應該簽佢做歌手,巫啟賢話:「0依家啲歌手唔掂,你哋無綫老細應簽佢做歌手啦,你嘅歌聲感動到我,今年八月我喺香港開演唱會,請埋你嚟做嘉賓。」
被巫啟賢惡評一塌糊塗的梁烈唯,在錄影第二集《星夢傳奇》時依然冇起色,依舊被斥獲低分是應得,不過「傷勢」應不及袁偉豪重,連番遭巫啟賢以及Eric Kwok(郭偉亮)狠評,老實不客氣指不是歌手材料。有人歡喜有人愁,袁偉豪慘成包尾大幡,與尾二嘅張景淳提早畢業。
鄭俊弘唱歌時感觸喊爆,而評判之一巫啟賢對佢有讚冇彈。
(左起)羅鈞滿﹑鄭俊弘﹑巫啟賢及梁烈唯。
鄭俊弘獻唱《Angels》送畀遠方嘅公公。
鄭俊弘(中)喊到收唔到掣。
張景淳提早「畢業」。
巫啟賢彈0依家歌手唔掂。
李璧琦唱歌劇時現場放煙 巫啟賢寸爆:TVB慳啲啦﹗
李璧琦噚晚唱歌劇時,現場放白煙營造氣氛,但此舉遭巫啟賢寸爆。
璧琦噚晚身穿白色低胸露背晚裝性感登場,佢獻唱《Think of me》歌劇,璧琦仲獲無綫厚待,放白煙營造氣氛添!不過此舉就被評判巫啟賢寸爆:「TVB慳啲啦,好貴o架啲煙。唱歌劇連室內溫度都要調節得好好,唔可以有煙o架。」
而璧琦表現理想,獲174.8分,成績僅次冠軍嘅鄭俊弘,璧琦最終獲第二名,就連殿堂級歌手葉蒨文聽後都謙稱沒資格評分。原來佢讀書時主修音樂,並且有十年教唱歌經驗,又真係估佢唔到喎!
李璧琦性感登場,原來佢有十年教唱歌經驗。
露白滑玉背。
李璧琦獲174.8分,成績僅次鄭俊弘,叻女﹗
鄧智偉﹑郭偉亮﹑葉蒨文及巫啟賢任評判。
大合照。