《星夢傳奇》噚晚喺電視城錄影第三集，一唱驚人嘅大熱人馬鄭俊弘及李璧琦，持續有好表現，至於梁烈唯就終於被foul出局了！俊弘以譚詠麟（阿倫）名曲《愛的根源》參賽，咁啱噚晚阿倫做星級評判，俊弘坦言壓力頗大，佢話：「喺校長面前唱梗係好大壓力，都好驚0架﹗0依家已經流緊汗。」而俊弘坦言近日工作量多咗，佢又話希望可以再多啲嘢做。

至於李璧琦就同俊弘惺惺相惜，佢話希望有機會同俊弘合唱：「我只係望唔係俾人踢出局，最高分留俾鄭俊弘。」

至於首度參賽嘅何傲兒就性感上陣，佢話以平常心參賽，只係希望完成母親心願。

李璧琦及鄭俊弘惺惺相惜，璧琦話希望有機會同俊弘合唱。

鄭俊弘同其他男藝員合照。

梁烈唯影完相時，鄭俊弘要扶佢起身。

何傲兒晒玉背搶鏡。

梁烈唯（左）噚晚被foul出局了。

鄭俊弘最近人氣急升，佢自言工作量都多咗。

張文采男友羅鈞滿同唯唯搞鬼合照。

無綫「閉門造車」 星級評判又換人

無綫話題節目《星夢傳奇》噚晚喺電視城錄影第三集，但啲星級評判又唔同晒，猶記得第一集係葉蒨文﹑郭偉亮﹑巫啟賢及周啟生；到第二集已經變咗葉蒨文﹑郭偉亮﹑巫啟賢及鄧智偉；噚晚錄影第三集，再度換人，冇咗巫啟賢﹑郭偉亮及鄧智偉，改由李克勤﹑譚詠麟及趙增熹，擔任星級評判。

之前無綫被指狂刪評判狠批參賽藝員評語嘅片段，惹起爭議，再加上又有人暗示遴選不公，結果噚晚出現「閉門造車」情況，未知邊位藝員有得留低，邊個被淘汰，雖然這邊廂無綫唔想賽果咁早外洩，但梁烈唯今日喺微博就話自己被foul出局。

噚晚《星夢傳奇》，班星級評判又換咗人，換走巫啟賢﹑郭偉亮及鄧智偉，改由譚詠麟﹑李克勤及趙增熹加入。

（左起）「翻版黃宗澤」張振朗及何傲兒（中）首次參賽，右為張明偉。

梁烈唯喺微博自爆被foul出局。

超班李璧琦失準被OUT

昨晚觀眾見證學聲學的李璧琦技驚四座，得分僅次於鄭俊弘繼續晉級。不過同一時間，在電視城進行的第三集錄影，李璧琦表現失準意外被out，連同被指內定冠軍、頻頻走音的梁烈唯雙雙出局，李璧琦難接受事實，只慨嘆：「嗰一刻我技不如人。」