dry爆3年嘅宣萱終於拍拖喇！一向對外籍男士情有獨鍾嘅佢，今次揀咗一個佢最愛嘅國家意大利，意大利型男Fran係經過朋友介紹嘅筍盤，宣萱接受雜誌訪問時，直認剛剛開始拍拖，仲話呢個筍盤意國男係集佢要求嘅所有理想男友原素於一身，嘩！咁講咪係極品。不過，男友嘅來頭同詳情，宣萱都想低調處理，不欲多談。

但係沐浴愛河中嘅宣萱，興奮咁細說跟男友相處嘅點滴，以前拍拖都覺得理所當然，搞到分手收場，今次宣萱話自己吸取到以前嘅教訓，知道自己拍拖缺乏咩，依家會更加珍惜，同埋急先峰宣萱覺得透過相互影響，自己亦變得變得輕鬆自在，意國型男mellow，隨和又成熟，搞到佢好clam，好relax，宣萱話講到底，要求高嘅佢，一直堅持搵一個夾，心地好，可以開心share嘅人，她應該找到了。

宣萱仲話自己已經同父母上報拍拖一事，兩老都好開心，不過就未見過家長，宣萱稍後會安排男友跟家人見面，但係強調唔係談婚論嫁嗰種見家長，係大家食餐飯見下面啫！此舉係俾屋企人一個安心吧！

呢位就係同宣萱一齊去Dior派對嘅意國型男，不過當時佢兩個仲未開始。