沒視其他港姐為敵人　3號許亦妮亮麗奪目添信心

14位候選港姐昨日聯同三位外景嘉賓黎諾懿、蕭正楠及袁偉豪出席「美麗登台」分享會及圖片展，分享他們早前到台灣環島拍攝外景拍下的珍貴相片和感受，並邀請現場觀眾大玩蒙眼猜台灣美食遊戲，期間吸引大批市民及「龍友」圍觀狂拍。

活動上更由現場觀眾及三位外景嘉賓透過展出的相片和佳麗的現場表現，即場票選「亮麗奪目佳麗」獎，期間黎諾懿投5號朱晨麗；蕭正楠投7號胡中慧；袁偉豪則投1號甄敏婷。負面新聞不絕的3號許亦妮則無人問津，但加上現場觀眾的票數後，最後勝出者卻是許亦妮。

參選至今首度得獎的許亦妮就興奮地說︰「好開心，好多謝觀眾支持我！（信心大增？）其實信心我一直都有。（三位嘉賓唔投你，可認為與負面報道有關？）嗰啲報道根本唔係事實，其他女仔都好高質素，畀我都會投佢哋一票。（可覺朱晨麗是最大勁敵？）我從來無當其他佳麗係敵人，最大敵人係我自己，就算最後只得呢個獎我都開心。」

黎諾懿獨愛朱晨麗

至於被讚「仙女」的朱晨麗亦同樣表示沒有當許亦妮為勁敵︰「大家都係好姊妹唔係敵人，個個都好強我會努力，總之友誼第一、比賽第二﹗」問到黎諾懿是否因為許亦妮緋聞負面新聞不絕才選朱晨麗？他解釋︰「唔關事，都係講眼緣啫！我以揀女朋友做標準，朱晨麗係我由細到大喜歡類形，清清純純好有氣質，有仙女嘅感覺。（你即係話許亦妮無氣質？）唔係，純粹個人感覺，我鍾意無乜化妝簡單純樸嘅女仔啫！」

另外，「網上最高人氣佳麗」五強暫時由1號甄敏婷、3號許亦妮、5號朱晨麗、7號胡中慧及13號蔡慧欣領先。

(3)許亦妮得獎，開心到七情上面。

黎諾懿心水人物為(5)朱晨麗，笑言投票如揀女友般。