忽然一周 774期

中門大開

娛樂頂點

無綫大整蠱　楊怡藍莓連環失守

2010年05月28日

《飛女正傳》播映以來，平均收視僅 27點，即使上周六（ 22日）大結局亦未能破 30點大關（平均 29點）。而緊接《飛》上場的新劇《談情說案》，為了谷起收視，近日各演員都乖乖哋集齊人馬頻頻宣傳。

上周三（ 19日），監製劉家豪就率領全體《談》劇演員到西貢沙灘玩遊戲鬥餐飽，不過喺公司事前冇通知會玩水戰之下，大部分女演員都只係着短褲沙灘裝。玩得投入嘅楊怡同藍莓（劉俐）最後更不慎擘髀走光，果真無辜辜。
該劇本周一首播即有 32點高收視成績，楊怡同藍莓咁大犧牲，總算冇白費。

無綫已向每位女演員派一條白毛巾防走光，可惜林峯拖車軚嗰陣，楊怡玩得太投入，白毛巾鋪得太高，一擘髀就不幸走光。事後楊怡說：「唔知今日要玩水濕身，不過都有打底。」

重要部位失守的楊怡，其實背脊都春光無限，她說：「我後面好通風好涼！」當日她和林峯孖住玩遊戲相當搏命。

起身出事

藍莓玩遊戲時原本一直相安無事，但佢從車軚起身一刻，偶一不慎，露毛收場。

碧兒最醒

要數全場衣着裝備最醒嘅，一定就係廖碧兒。佢除咗着件拉鏈拉到上頸嘅風褸之外，玩遊戲嗰陣又用盡力夾埋雙腳，就算俾馬國明點樣拉扯，都唔怕走光，最終成為遊戲輸家都冇所謂啦。

救命毛巾

雖然沈卓盈同陳爽（右）都係着超短褲，但佢哋好識善用條毛巾，一於鋪到落「膝頭哥」位置，咁就冇有怕啦。

楊怡輸兩鋪

楊怡呢日都算最黑仔，玩遊戲已經老貓燒鬚不慎走光，活動完天公不造美，佢又要擔住把遮仔冒大雨上車，相反林峯同沈卓盈就有在場工作人員服侍，楊怡排場輸晒。

楊怡離開時十分狼狽，自己擔住把遮之餘，仲要照顧一同前來嘅媽咪（粉紅衫者）及家中愛犬。

狼狽護狗

在暴雨中擾攘近 5分鐘，楊怡才成功登車，駕駛其 Volkswagen座駕載家人離去。

沈卓盈勝楊怡
摟住大毛巾嘅沈卓盈離開時，有專人為佢擔太陽傘擋雨，仲威過女主角楊怡㖭。

林峯夠排場

身為主角嘅林峯果然排場十足，離開時有兩名工作人員擔住巨型太陽傘為佢同助手擋雨，林峯即使手上有遮都唔使開，還手指指向職員指示自己座駕位置。

林峯頭段贏晒，但因為自己駕駛的馬莎拉蒂跑車位置附近有積水，搞到佢要繞過隔籬架車，先可以登車，難怪佢上車一刻苦笑。