姚嘉妮八月返TVB拍劇

姚嘉妮讚無綫 冇迫佢還騷

姚嘉妮、劉美娟、李樂詩等噚晚帶同子女到九展欣賞「芝麻街童心同心」音樂劇,姚嘉妮只帶大女Kyra現身,只得十個月大嘅細仔Kyros就留在家中,佢透露稍後會返無綫拍劇,佢話﹕「無綫好好,冇迫我要快啲還騷,劇嘅角色仲傾緊,都有戲癮。」

李樂詩嘅三歲大仔較百厭,影合照時要李樂詩一手捉住,而另一隻手就抱住十個月大嘅細仔,佢話﹕「湊兩個係攰啲,真係要鬥智鬥力。」佢表示老公不在港,故未有同行睇音樂劇,問可會考慮追女?佢話﹕「我同老公都想,但又怕多得濟,等佢兩個大個啲先。」

姚嘉妮話無綫冇迫佢還騷。
姚嘉妮話無綫冇迫佢還騷。

李樂詩湊住兩個仔,都幾難搞。
李樂詩湊住兩個仔,都幾難搞。