是我小時候:朱千雪零私隱之家


5歲
■從小到大朱千雪最喜歡的運動就是踩單車,她以前經常跟朋友仔在家樓下學車。設計對白

港姐季軍朱千雪自小在一個毫無私隱的家庭長大,更奇怪是,移居外國竟然冇私隱?大驚小怪過後,聽過朱千雪細說家中小節,原來冇私隱反而有更大凝聚力,朱家不准關房門的家規,果然厲害!

採訪:楊潔雯

是我小時候:朱千雪零私隱之家
1歲
■朱千雪BB時期頭髦不多,經常被人誤會是男生。

是我小時候:朱千雪零私隱之家
4歲
■朱千雪自細甫士表情多多,甚得父母歡心。

是我小時候:朱千雪零私隱之家
5歲
■5歲生日,朱千雪在麥當勞開生日會,很開心呢!

朱千雪(Tracy)生於小康之家,有爸爸、媽媽、還有兩個分別小她2歲及6歲的妹妹。97年移民潮,朱氏舉家移民到加拿大,Tracy當時是8歲,在外國讀三年級,因為言語不通,過了兩年冇朋友的生活,她說:「因為一個英文都唔識,又唔知人講乜,雖然冇俾人蝦,但係溝通唔到,所以識唔到朋友,咪成日黐住個妹,一小息同lunch就同妹妹一齊。初初唔識分小息同lunch,小息十分鐘走去食晒個飯盒,lunch望住人食同喺公園玩。我細個好曳,見人哋打鞦韆勁,我又去學人玩,點知跌親個膊頭又斷埋隻腳!」

是我小時候:朱千雪零私隱之家
6歲
■當年朱千雪跟家人去西班牙,買了小豬公仔留念,現仍放在床邊。

是我小時候:朱千雪零私隱之家
8歲
■溫哥華的家有個很大的後花園,朱爸買了Barbie屋給三姊妹。

家人感情好

由於童年的異鄉友儕生活寂寞,朱千雪一家人之間的感情,變得更親更密:「我哋一家人感情好好,乜都講,大家冇乜私隱,好似朋友、讀書、拍拖、明星、做人道理乜都會講,所以我哋屋企一餐飯可以一齊食三、四個鐘,仲好鍾意打邊爐。」除了飯桌聯誼,朱家還有一個家規,就是所有人不得關房門:「加拿大嘅地方係大,我哋每個人都有一間房,但係Daddy規定我哋唔可以閂房門,佢唔想我哋返到屋企個個閂埋門,自己顧自己,所以我哋習慣咗冇私隱,我啲妹放假仲會拎個睡袋入我房瞓,好似去camp咁。」

是我小時候:朱千雪零私隱之家
12歲
■朱千雪在溫哥華過的第一個Halloween,扮白雪公主。

是我小時候:朱千雪零私隱之家
13歲
■轉眼間,朱千雪已亭亭玉立,在雪地上留倩影。

是我小時候:朱千雪零私隱之家
24歲
■去年參選港姐,雖然只得季軍,但朱千雪贏盡民心。