伊健以一身型爆歌衫登場，引來 fans咿嘩鬼叫。

「鄭伊健友情歲月演唱會澳門站」前晚在澳門威尼斯人金光綜藝館舉行，邀請了林曉峰、錢嘉樂和 Mandy Lieu擔任表演嘉賓，女友蒙嘉慧、黎諾懿和林珊珊均有到場支持。

擔任嘉賓的 Mandy Lieu與伊健大跳辣身舞。

好友林曉峰（左）和錢嘉樂（右）粉墨登場為伊健做嘉賓。

Fans向女友求婚

伊健女友蒙嘉慧和黎諾懿專程到澳門捧場。

開場時播出林曉峰和錢嘉樂的聲帶，他們說：「今晚請勿喧嘩叫囂，唔好嗌鄭伊健個名，違者至少贏 5萬蚊。」伊健甫開場以將軍 look示人，並唱出《友情歲月》，及後與林曉峰及錢嘉樂合唱《戰無不勝》。
伊健說：「大家好，你哋睇騷前食咗飯啦，多謝大家嚟睇，今晚有日本 fans在場，你哋聽唔聽得明？」接着又說：「我喺香港站講到話 10年前開騷到家，啲 fans唔知換幾多次畫，上次喺香港到家，唔知你哋有冇換畫？」
演唱會中途台下有一男觀眾突然向女友送上鮮花和戒指求婚，伊健即走落台恭賀二人。
採訪、攝影：譚倩宜