藝人與異性通訊最應注意的事

查實呢,藝人做呢啲嘢真係要好小心呀!你都唔想成為城中佳話㗎?

1.唔好自拍艷舞片

舞藝咁好應該用嚟表演,或者拍戲都得,用嚟自拍太浪費了,王晶快啲搵馬賽拍戲等佢過吓舞癮啦!

2.傳肉照時請打格仔

傳肉照呢啲,簡直係潮人必做。不過又唔想俾人公開時尷尬,最好就係打番啲格仔,咁出事時就可以話唔係自己,城城聽到都話「師父明白了」啦!

3.不玩網上裸聊

曾有報道指台灣藝人小豬同人裸聊。正一傻豬豬,玩裸聊梗係唔係喺網上啦。既然都係要裸,不如面對面,俾人發現都抵吖!

4.用密碼嚟進行情慾對話

好似高登語咁,你同情人可以私訂一啲情人之間嘅用語,譬如話用生果嚟代表某啲動作同器官:「我真係好想士多啤梨你個檸檬㗎!」咁就算俾人發現,都有得抵賴。

5.就算你係都要做,都等對方做咗先

我明!我真係明!情到濃時,情侶間係唔會理世俗嘅目光嘅!不過咁,你都等對方做咗你先好做,你想自拍跳舞,你咪同對方交換囉。雖然冇人想睇汪小姐跳舞,但係都叫做有啲揸拿吖!

6.唔好拍慾照

雖然人類總係重複錯誤,但係拍慾照沒有好結果,歷史同陳冠希都已經告訴我們:「千祈千祈千祈唔好!」