疑似盧覓雪口交片被兜售 阿雪嫌女主角表現不濟

今日有周刊報道,指有古惑仔自稱有一條四級片,開價10萬蚊向各大傳媒兜售,片段中,一位坐喺梳化面對鏡頭嘅女子,正在被一位背住鏡頭嘅男子口交,不過最驚嚇係呢位女子同盧覓雪個樣好相似,該周刊記者就向盧覓雪求證,盧覓雪喺電話中表示佢自己dry咗好耐,仲笑住話佢都想有。

報道指,盧覓雪未有因為呢件事好嬲,反而全程笑住回答:「首先我又點會有性愛片流出?我都冇性愛,我當時進行咩招式?」該周刊記者表示係男幫女嘅口交,盧覓雪就話:「聽到都銷魂。」問到佢驚唔驚?有咩感覺?佢話:「梗係唔驚啦,我呢啲人dry得咁淒涼,有呢啲生活應用可以話畀你聽玩得好開心,嗰次玩得好happy,你都戥我高興啦,嗰個人係咪偷拍咗阮兆祥當係我呀﹖」講到呢條片開價10萬蚊,佢好大反應咁話:「我值唔值呀?張曼玉嘅話你都可以畀100萬搏下,我,3萬都唔好俾,又唔係好波好籮嘅人。」

阿雪親自評點:女主角交行貨

盧覓雪睇完口交片之後,都覺得自己似個女主角,哈哈大笑謂:「梗係唔係我,未睇都知唔係我。不過真係有啲似,佢又係肥肥躉躉,一個中年女子,粗眼眉,呢啲有啲似我,但其他冇忽似,自己人肯定知唔係我。」又拎番祥仔嚟笑:「但佢冇嗰啲器官,扮唔到咁逼真。」

之後雪雪仲問記者:「你睇咗條片未呀?睇完包你笑,我想笑乜你知唔知?呢條係堅嘅性愛片,但女主角表現實在太不濟太假,性愛嘛大佬,佢好似交行貨。呢條唔似係四仔片,相信係私人片唔覺意流出嚟,講真四仔嘅男女主角應該好可人好吸引,好明顯嗰對男女唔會吸引你眼球注視,睇製作好私人。」又打趣謂:「今日萬七咁多人send短訊畀我,朋友梗係笑,佢哋恭喜我咁happy。」

疑似盧覓雪口交片 阿雪親自評點:女主角交行貨