女人斟:蒙嘉慧忠變奸衰老10年

女人怕殘,花旦更甚。 35歲的蒙嘉慧,在無綫新劇《誘情轉駁》中首演大反派,為了角色不惜囤積負能量,致情緒嚴重受損,感覺衰老了 10年,為的只是向外界證明對工作的熱誠。猶幸蒙嘉慧有伊健痛錫、未來奶奶的無微照顧,令她得以堅持自己的信念。 撰文:王崇穎

蒙嘉慧近日為無綫新劇《誘情轉駁》首次演奸角,她直言今次極具挑戰,她日前說:「今次劇中做奸角,不過就冇我想像中咁奸,呢個角色主要係因為想報仇,要令對佢媽咪唔好嘅人得到應有報應,拍嗰時都好攰,因為今次同以往唔同,而且要我長時間去憎一個人,加上情緒方面都要保持住好差,所有嘢都要睇得好負面,拍完之後成個人好似衰老咗 10年。」

蒙嘉慧經過人生的低潮及黑暗期,幸好男友鄭伊健一直在旁支持,令她重見光明。攝影:葉君海

蒙嘉慧經過人生的低潮及黑暗期,幸好男友鄭伊健一直在旁支持,令她重見光明。攝影:葉君海

蒙嘉慧和陳法拉(左)在《誘情轉駁》劇中有不少對手戲,雖然似是第二女主角,但她依然落力演繹。劇照

蒙嘉慧和陳法拉(左)在《誘情轉駁》劇中有不少對手戲,雖然似是第二女主角,但她依然落力演繹。劇照

在劇中蒙嘉慧飾演大反派,她直言期間受到負能量影響,幸好最終能抽離角色。劇照

在劇中蒙嘉慧飾演大反派,她直言期間受到負能量影響,幸好最終能抽離角色。劇照

天明嫌床戲嘈

多年來蒙嘉慧一直被視為花瓶,但她未有氣餒,繼續努力增值自己。

多年來蒙嘉慧一直被視為花瓶,但她未有氣餒,繼續努力增值自己。

蒙嘉慧表示今次演這個角色於情緒上落了不少工夫,她說:「有場戲講我好歇斯底里,拍嗰時原本法拉要接住講嘢,點知法拉呆咗冇接到,原來佢俾我嚇親,所以今次真係好好嘅挑戰,不過如果可以嘅話,我希望個角色可以再衰啲。」她又表示連平時情緒都受到影響,她說:「嗰排真係講少咗嘢,成個人沉默咗,咁又唔會發脾氣,我平時都好少發脾氣。」
雖然飾演奸角,但少不免有親熱戲,蒙嘉慧說:「今次同洪天明有床上戲,我仲同佢講笑話我同佢女朋友都係叫嘉慧(洪天明女友為周家蔚),拍嗰時都已經好好笑,天明都話未試過喺床上咁嘈。」蒙嘉慧表示不需要向男友鄭伊健備案,她說:「唔需要囉,因為都係工作,大家都係做呢行,所以都會明白,唯一要溝通嘅都係個角色應該點去演囉。」
跟鄭伊健拍拖四年多,蒙嘉慧雖然未有經常將男友掛在嘴邊,更希望不要因兩人的關係與工作相提並論,但她也不忘大讚男友十分顧家及孝順,她說:「之前婆婆同媽咪過世,我好唔開心,因為佢兩個同我感情好好,嗰時佢一直喺我身邊幫我打點,佢好支持我,令到我情緒起伏都冇咁大,以前佢都會成日陪我去探屋企人。」

未來奶奶痛錫

外間經常指蒙嘉慧未受伊健家人接受,但事實卻是剛好相反,各人相處融洽。《忽然 1周》圖片

外間經常指蒙嘉慧未受伊健家人接受,但事實卻是剛好相反,各人相處融洽。《忽然 1周》圖片

蒙嘉慧表示除了伊健對她十分好之外,就連他的母親都十分痛錫她,她說:「當時媽咪唔喺度,出殯嗰日,鄭媽媽同我講咗一句說話,就係如果我想飲湯,隨時可以上去佢屋企,嗰刻令我感覺真係好溫暖,亦都好多謝佢對我嘅關心。」由於兩人拍拖多年,外界十分關注兩人會否結婚,她說:「其實最重要係兩個人一齊開心,喺生活上夾到就已經好好,反而我覺得一張婚書唔可以代表乜嘢,所以結婚呢樣嘢我真係好順其自然,唔會太刻意去諗!因為目前大家都仲有好多工作,所以未來一年都唔會有咁嘅機會。」

慨嘆人生苦短

自從與伊健拍拖後,蒙嘉慧一直予人對工作未有太大衝勁的感覺,但她坦言向來工作十分認真,她說:「我覺得我一直都有 keep住做嘢,只係人哋唔覺,時間會證明一切,最緊要係自己呢幾年睇化咗好多嘢,因為媽媽 07年開始有病,喺兩年間就離開咗,人生真係好化學,家自己喺經濟上又唔會好似以前咁要照顧屋企人而咁大壓力,反而個人開心咗,對生活嘅要求都簡單咗好多,盡量會去做自己想做嘅嘢,一得閒就會去旅行散心,我一直都好想多啲帶爸爸去旅行,但係佢年紀大唔想坐飛機,以前成日都會同媽咪去旅行,雖然唔可以去得太遠,但家諗番都有好多美好嘅回憶。」
服裝提供: Guess