不求男友體貼呵護
蒙嘉慧戀伊健學識妥協

蒙嘉慧（ YoYo）和鄭嘉穎在新劇飾演歡喜寃家，女的被男方嘲笑中港女要出力反擊。現實生活中， YoYo愛情生活穩定，但未有披嫁衣的衝動，她更主動談到跟男友伊健相處，明白妥協的重要性。

無綫新劇《 Only You只有您》由幾個單元組成，描述現今社會的男女感情生活，蒙嘉慧飾演婚禮策劃員，與飾演攝影師的鄭嘉穎擦出火花，嘉穎經常嘲笑 YoYo是中港女，意指中年港女嫁唔出， YoYo解釋說：「係中港兩地搵錢事業女性，即使嫁唔出都冇緊要，有朋友咪得，有異性冇人性嘅人老咗就知。」

蒙嘉慧與鄭伊健拍拖多年遲遲未婚，她覺得最緊要相處開心。資料圖片

蒙嘉慧笑言以前喜歡生病可得男友細心照顧，現在長大了不會太依賴人。

鄭嘉穎坦言家人沒有給他結婚的壓力，但他卻很想生兒育女。

爆伊健大整蠱

二人你一言我一語十足十劇中的歡喜寃家，劇中帶出訊息是人生追求婚姻還是婚禮， YoYo與鄭伊健拍拖多年遲遲未婚，她坦言：「冇特別計劃，曾聽過朋友因拗窗簾顏色問題而要離婚，覺得冇乜意思。」
問到與男友是否和睦共相處時， YoYo道出她與男友的生活笑話，她說：「我年三十晚又屙又嘔，唔想新年入院，佢竟然叫我打機出一身汗睇吓有冇好啲，我答佢你係咪好唔鍾意我呀，但回想都幾搞笑，以前我會諗我病，你應該要煮嘢我食，但家唔會，因為知佢出發點都係好，只覺得搞笑囉。」
嘉穎力讚 YoYo在劇中演繹未婚女性所受的壓力很到題，令他有所觸動，幸而現實中他的家人沒有給他壓力，嘉穎說：「男人還好，阿媽都放棄逼我，但唯一我想要小朋友，要生唔可以太遲，但要搵到合適。」

嘉穎渴望成家

嘉穎與佘詩曼一段情曾鬧得火熱，可惜還是無疾而終，他說：「圈子好窄，生活上碰到嘅都係圈中人，但自己認為適合最緊要，冇分圈內外。」他又吐露想覓得真正結婚對象：「希望一生一世，唔想錯結完又要離，想一次白頭偕老，自己要求簡單生活，有個家，正如男人一句到時候係要『修身齊家治國平天下』。」
採訪：卓寶花
攝影：黃文成
服裝：蒙嘉慧（ I.T）
場地：黃金海岸酒店

蒙嘉慧鄭嘉穎融冰談情

蒙嘉慧（YoYo）與鄭嘉穎最近合作無綫新劇，這對老拍檔竟然至今才打破隔膜，還熟落到成為知心友，彼此交換對愛情的睇法，YoYo更自爆她與男友鄭伊健之間一個「幾可愛的體驗」。

蒙嘉慧與鄭嘉穎合作新劇，終於打破隔膜，熟落成知心友。

YoYo不諱言雖與鄭嘉穎在《爭分奪秒》及《與敵同行》合作過，但直到最近的《Only You只有您》才真正認識對方。

YoYo說：「可能佢被動，我又被動，大家之間好似有道牆咁，直到呢齣先至冇晒隔膜，如果唔係同劇田蕊妮幫我哋行前一步，我哋未必拆得走道牆，但其實我同嘉穎係同一類人，佢份人好直，有乜都攤開嚟講，心腸唔壞，亦唔愛造新聞，所以呢個劇幫到我哋了解，我好開心。」

享受相處過程

除了對手稱心，YoYo更對劇本萬分滿意，她說：「我喺劇入面做嫁唔出港女，劇本有好多touching位，例如『我哋需要婚姻而唔係婚禮』就值得反思，我以前都好似劇中所講冇安全感，會問男友有乜計劃，後來先發現男人即使有計劃都唔鍾意講。（伊健有計劃？）其實過程先係最重要，入唔入教堂冇意思，我最希望身體健康，新年時我又嘔又發燒，唔想初一入醫院，惟有死頂，點知佢（伊健）竟然話『打Kinect出身汗好啲喎』，以前嘅我就會諗『佢係咪唔鍾意我？』依家會識欣賞呢個都算係幾可愛嘅體驗。」

蒙嘉慧獲伊健提議打機醫發燒，她笑言是「幾可愛嘅體驗」。

鄭伊健

鄭嘉穎男人四十，也希望可結婚生仔。

期望結婚生仔

相比YoYo的愛的體驗，鄭嘉穎則仍在尋尋覓覓，他說：「我已經到咗四十歲，阿媽都放棄再逼我結婚，我唯一想生番個小朋友，但到依家都未遇到合適對象，我唔係要分圈內、圈外，但求適合就得，我呢個年紀拍拖就希望結婚、生仔，想一次就白頭偕老，同唔適合嘅喺埋一齊咪盞搞！」

揭伊健趁佢病拎佢命 蒙嘉慧歎愛心粥冧到暈

鄭嘉穎年過40恨做爸爸，覺得人生有不同階段，組織家庭好重要，可惜未有對象。蒙嘉慧有對象反而不急於結婚，她聽說陪伴走到人生最後階段並不是自己的伴侶，而是好朋友、好姊妹，她戲言有朋友就不怕嫁不出了。

鄭嘉穎服裝：Diesel 蒙嘉慧服裝：i.t

鄭嘉穎與蒙嘉慧(YoYo)在《Only You只有您》劇集中是一對歡喜冤家，嘉穎在劇中飾演攝影師，性格吊兒郎當又無錢，偏偏YoYo的角色貪錢兼要求高，經常被嘉穎取笑「中港女」嫁不出，不過最後都會大團圓結局。

嘉穎想有個家

嘉穎讚YoYo有幾場戲做得不錯令他好感動，事實上每個女性到某個年紀都會被俗世眼光視為『剩女』，無論本人是否介意，但內心會好大壓力。」追問他自己有沒有這方面的壓力？嘉穎指出男人還好，雖然他媽咪已放棄催逼沒壓力，但他反而想有自己的小朋友，可惜還未有對象。佘詩曼這類型是否適合？他覺得好難講，兩個人感覺好重要，這個年紀搵到對象希望可以一生一世，只要求簡單的家庭生活。

無給男友壓力

YoYo對「中港女」另有一番見解，她笑說：「是中港兩地搵錢的女仔，嫁不出無問題，有朋友就得啦！人長大經歷多便知道朋友的重要，有異性無人性，老咗就知死！」嘉穎讚她有幾場女人戲做得好，會否是她自己的心態？YoYo說：「兩個人相處一定遇到問題，劇中他是浪子，有幾多使幾多，而女仔最重要是安全感。(有沒有要求過男友好好計畫？)無特別要求，人長大覺得過程好重要，這部劇帶出婚姻重要過婚禮的訊息。」YoYo透露農曆年期間發燒嘔吐不適，新年又不想入醫院，鄭伊健 竟建議她打機出身汗，YoYo沒好氣問男友是否想她死？YoYo覺得兩個人相處一定有拗撬，最緊要過程開心，她吃到男友親手煲的粥便甜入心。

■蒙嘉慧表示無特別要求伊健何時娶她。

■鄭嘉穎與蒙嘉慧在《Only You只有您》中是一對歡喜冤家。

■鄭嘉穎直言到了這年紀亦渴望有個自己的家。