蒙嘉慧田蕊妮雙劍合璧仔見愁

蒙嘉慧(Yoyo)與田蕊妮因一套劇成為好姊妹,兩人性格相似,戲外同樣愛玩整蠱,就連戲中男演員也無力招架,看來雙劍合璧威力真不少。

Yoyo與田蕊妮於娛樂圈多年,最近才首次合作劇集《Only You只有您》,沒料兩人尚未等及劇集開拍,於試造型時已一拍即合,友情一日千里,開工時還於片場共同找目標整蠱一番,令台前幕後充滿歡樂笑聲。

蒙嘉慧(右)與田蕊妮一拍即合,行埋即玩餐飽。

蒙嘉慧(右)與田蕊妮一拍即合,行埋即玩餐飽。

蒙嘉慧貪玩扮鮑魚超人。

蒙嘉慧貪玩扮鮑魚超人。

分辨花膠惹笑話

早前兩人相約到海味店入貨,已為人妻的阿田,從挑選至製作過程也相當純熟,反觀戀愛中的Yoyo,於分辨花膠公乸時竟從底部左望右望,引得阿田哈哈大笑。二人還揀鮑魚,一臉經驗老到的阿田謂:「我以前未食齋之前,閒閒地煮十個人嘅飯餸完全冇問題,鮑參翅肚都得,老公杜汶澤煮嘢食都叻,不過我哋係唔可以一齊煮,會意見不合,所以一係佢出手,一係就我,唔係實有交嗌。」

自言廚藝進步當中的Yoyo,表示幸而身邊朋友多,除了傳授煮食心得之餘,還會為她以超筍價買貴價貨,絕對獲益良多。

蒙嘉慧從底部分辨花膠公乸,十分搞笑。

蒙嘉慧從底部分辨花膠公乸,十分搞笑。

田蕊妮笑言前世欠咗蒙嘉慧。

田蕊妮笑言前世欠咗蒙嘉慧。

「前世欠佢啲嘢」

談到兩人友情一撻即着,阿田笑謂:「其實阿Yo表面上係女人,其實佢係男人嚟架!咁大家喺片場咁dry,玩吓開心啲!雖然同佢第一次合作,但出奇地連warm up都唔使,未開工已經係咁,我前世應該係欠佢一啲嘢。」Yoyo則謂:「拍嗰時冇咁嚴重,之後先再熟啲,成班演員每日都好嘈,好開心。」