農曆七月盂蘭節鬼門大開
每年的農曆七月十四日（即西曆8月20日）是盂蘭節日，相傳這日正是鬼門關大開的日子，因此時運低的人特別容易遇鬼，亦因此有傳農曆七月都是一個容易見鬼的月份，增添詭異氣氛。就像曾經主持不少靈異節目的梁思浩，就因為到加拿大拍攝外景時，在一間古堡式的酒店遇上了靈異事件，當年帶同女兒鄭欣宜一同拍攝外景的沈殿霞，更與疑似靈體鬥力，力保自己及女兒安全。
梁思浩酒店遇靈體
曾經遇上不少靈異事件的梁思浩，雖然大小「戰役」無數，但問到最深刻的，還是首選這個22年前在加拿大發生的靈異事件。
「當時係1991年10月，我幫亞視劇集去加拿大拍外景，同行重有肥姐沈殿霞同只有三歲欣宜、董驃、李麗蕊、翁虹等等。當時公司安排我入住一間古堡式豪華酒店，點知入到房之後，就覺得間房好唔妥，感覺好唔舒服，好似有好多『』圍住自己咁，於是我即刻離開客房，一出房門就見到李麗蕊跑到我身邊，同我講佢間房有鬼，於是我就提議不如去翁虹間房睇。點知當翁虹打開房門時候，我同李麗蕊都同時見到翁虹身後有一個六呎高黑影閃過。我入到房之後，搵晒成間房都再見唔到黑影，於是我又齊齊去搵董驃，當時驃叔重講笑話佢咁重殺氣，咩鬼見到佢都驚。由於驃叔住總統套房，就係咁我幾個就同驃叔住埋一間房。而肥姐就因為要照顧欣宜，所以返自己間房。當晚肥姐同欣宜覺時候，肥姐突然覺得有人床尾拉佢張被，初時肥姐以為係欣宜反，點知佢發現欣宜就佢隔離，冇可能拉住張被，呢個時候肥姐發現身體唔郁得，幾經辛苦先至戴返眼鏡，佢就見到有個小朋友黑影床後面飛出窗口，之後就冇人再拉佢張被。就係因為呢件事，搞到我以後住親酒店都特別留神小心。」
關寶慧 超級猛鬼屋
曾與靈體有緣的關寶慧，曾見過不少「大場面」，但相比她早前曾經買入一間「超級猛鬼屋」，那些所謂大場面，原來是小巫見大巫。
「之前曾經買過一間屋，有朋友話因為對住教堂個大十字架唔好，但我一直冇理，到我住兩年左右，就開始有奇怪事發生，就係每一晚都有會有人個衣櫃入面拍門，就好似警察拍門話要入屋咁樣不定時拍兩下，之後師傅教我打開晒櫃門，拎走入面所有衫再潑柚葉水，初時係有效，但之後又再過，而且重變本加厲，好似三、四日就爆我一個燈膽，又自動幫我閂熱水爐唔俾我沖涼等等，但最嚇人都係有一次覺唔到氣，我發現自己地下，打側咁對住幅牆，即係面壁咁樣，之後我重見到自己飛上天花板望住自己面壁，過成十分鐘先至返入自己肉身，第二日我就搵地方搬。之後搵師傅裝修又好多古靈精怪事發生。到裝修好我搵師傅幫間屋打齋，師傅話成間屋都係靈體，直頭多到要排出屋外面，最後搞好耐先冇事。」
鍾嘉欣 靈體睇拍戲
藝人幾乎是全年無休，尤其是拍劇的時候，不時都需要在深夜時份拍攝外景，早幾年鍾嘉欣在農曆七月時份，在荒山野領的地方拍攝外景時，就遇上了靈體在路邊睇拍戲。
「當時劇情係講我荒山野嶺撞車，因為我唔識車，所以工作人員就安排特技人替我拍，由於撞車戲要一take過唔可以NG，所以在場工作人員都非常緊張，齊齊企晒鏡頭後面準備。到導演嗌完action，特技人就開車，點知特技人到一半，就突然用對講機同導演講：「路邊有人企度睇拍戲！」當時所有人聽到之後都好驚，因為當時睇play back熒幕，只係見到特技人一個，好彩導演夠鎮定，叫大家繼續咩都唔使理。雖然呢次事件我唔算親眼見到，不過已經好驚喇！」
黎耀祥 耳邊傳鎖匙聲
本以為貴為三屆視帝的黎糧祥，理應人氣極盛，鬼神都要退避三舍，但事實就是事實，當年黎耀祥都本住天地有正氣的本色，未有特別去理會。
「呢件事都十幾年前，當時我去海南島拍DVD，每個演員都安排自己住一間房，有一日收工返到酒店，總之我一上床合埋眼，就會聽到有人拎住抽鎖匙我耳邊搖，係好大聲好響種，一定唔係房外面傳入，當時個心真係好寒，下意識即時擘大眼，但就咩聲都冇。可能係我一向都唔太理呢，所以好快就冇事，可能連佢都覺得我悶。」
馬國明 靈體坐床邊
藝人不時都需要出外地拍攝，很多時都會獨自一人住一間房，亦因此不少藝人都曾試過住酒店時，遇上了神怪事，就像馬國明就曾經試過靈體坐床邊，嚇到得番半條人命。
「之前有一次去馬來西亞拍外景，其實我都唔知係太出現幻覺，定係真係撞到。總之就係當日拍到好夜，返到酒店已經好，沖完涼就即刻上床覺，都唔知到幾點，突然間覺得好似有自己隔離，想轉身又郁唔到，但我因為對住床尾塊鏡，好隱約咁見到有個人影坐張床，去到差唔多天光先至慢慢郁得番，但已經要起身開工，日個人完全冇精神，返到酒店要即刻換房，之後再冇事發生。」
莊思明 見過身
一向比平常人容易見到靈異物體的莊思明，小時候就曾經與妹妹一齊遇上了靈體，就是她們小時候已過身的。
「我我好細個時候已經過身，屋企人為紀念佢，就屋企大廳擺放佢張黑白相。我都唔記得幾歲，應該都係幾歲左右，有一次我同妹妹廳睇電視，點知忽然見到坐飯廳，當時佢著住件衫，係同張相一樣。我嚇到唔敢郁，直到唔見先至識得走。後來大人話有想同我講。之後有一次成家人返馬來西亞掃墓，先至發現成個墓都生滿雜草，重要高過墳頭，我當然即刻整理，自此之後就冇再見過。」
蒙嘉慧 對面屋藏駭骨
一向予人女強人形象的蒙嘉慧，小時候在圍村長大，雖然自少就通山走，但對靈異事件仍然是深信不移。
「當時我屋企係望住一間丟空好耐大屋，可能因為我自細就見到佢（靈體），所以少少都唔怕佢，直至有一晚我我覺前，就見到對面屋有個人影飄來飄去，我初時都以為自己眼花，點知之後幾日我又見到，之後見多幾次都習慣晒。直至幾年之後，呢間大屋至拆。我聽屋企人講話拆時候，發現屋入面一個好隱蔽地方，發現幾具駭骨，我估同我見到有關。」
Bob爆兄弟
錄影廠，終年不見天日，亦因此而陰氣極重，加上娛樂圈被視為偏門行業，因此錄影廠一直被視為鬼魂最佳的棲息地，特別容易遇上靈體。《兄》男主持之一林盛斌（Bob），雖然本身未遇過靈體，但卻從黃和興身上感覺到遇上靈體的痛苦。
Bob說：「其實和興雖然已經封眼，但佢仍然感覺到靈體存在。就好似之前佢同一個同樣感應到靈體朋友上節目，一直都相安無事，但錄完之後大家出走廊傾偈，我問佢其實有冇feel到廠入面有，和興先至講佢每一次入廠都感覺到有在場，因為佢每一次feel到有都會頭痛，原來佢朋友都一樣感應到，只係大家怕嚇親其他人，先至冇出聲。」
張敬軒 5噸舞台行前行後
3年前同王菀之演出舞台劇時發生咗件靈異事，我哋有兩個台，一上一下，上面要工作人員按掣先郁，有日準備開騷，點知個台突然向前行，當時我嚇到一額汗，即刻望向負責按掣嘅工作人員，大家你眼望我眼唔敢出聲，唔想影響演出心情，個舞台有成4、5噸重，單靠人手絕對冇可能推得郁，最奇怪係個台向前行咗幾呎，停咗陣又自動退後。當時大家見到惟有扮冇事，照行出台，完騷後大家都話唔好再提呢件事。
另外，因為成日要中港兩地飛，所以入住酒店在所難免，好多前輩都教我入房前要先敲門，房入面有冇人都好都要敲。就算有時喺戶外開工，要搬嘢時都會盡量講聲「唔該借借」。
鄭俊弘 被「屈」叫醒人
2002年仲係訓練班學生，成日同同學喺電視城休息室過夜，雖然要經過一條放滿道具、冇半點燈光嘅通道，但大家寧願屈埋一間細房都唔願意長途跋涉返屋企。就喺七月某一個晚上，我同四個同學仔到休息室過夜，準備接第二朝6點通吿，我哋專登校05:45起身，點知我起身時已經見到我個同學起咗身，問佢做乜咁早，佢話係我叫醒佢，但我四圍望啲同學都仲瞓緊，我都係啱啱起身，點會叫到佢呀？即刻個心寒晒，唔敢同佢講，就叫佢即刻離開間房，之後都唔敢再去嗰度。
洪卓立 電視自己開
有次返內地住酒店，沖涼時電視自動開自動熄，雖然好驚但都鼓起勇氣去睇清楚，發現電視遙控跌咗喺地，我估有「人」唔歡迎我囉！而日前通宵拍微電影《歲月如歌》，從工作人員口中聽聞有關電視台「厲鬼拍門」嘅鬼古，話説幾個月前有兩位女職員深夜離開公司，其中一個如廁後去電梯口同另一個同事搭電梯，點知佢突然面色大變大叫一聲，之後慌慌張張衝入電梯唔出聲，同事唔敢多問，第二日佢辭咗職，後尾先知佢見到電梯門隔籬嘅玻璃門有個着紅衫嘅「女仔」拍門仲不停大叫，但佢聽唔到叫喊聲，一齊等電梯嘅同事好似乜都睇唔到咁，所以佢驚到辭職。