現年44歲嘅蔡邊村，係知名愛情小說家亦舒19歲時，同前夫畫家蔡浩泉誕下嘅愛情結晶蔡邊村，惜蔡浩泉同亦舒呢段婚姻，僅維持三年便告終。母親節當日更爆出蔡邊村尋母40年、但亦舒不認子嘅故事，引起熱話。未幾，喺疑似亦舒微博內，其中一篇微博內容係摘自亦舒寫過嘅短篇《媽》，似係回應兒子尋母一事，但就未知是否亦舒真人留言。

其實亦舒除咗同蔡浩泉結過婚外，原來佢同岳華曾經係拖友，當年有指亦舒狂戀岳華，消息轟動到上埋周刊封面。當時岳華係武打電影明星，而亦舒係才女一名，郎才女貌，戀情哄動一時！

時過境遷，0依家岳華同太太恬妮相當恩愛。岳華今日出席劇集宣傳活動時，坦承曾經同亦舒拍過拖，佢話：「我哋一齊好短時間。」

問到亦舒40年來從不認親生仔，岳華就話：「唔知佢嘅事，只係早年喺加拿大商場見過，我哋成40年冇見。」岳華仲話記者知道嘅嘢比佢仲多，人哋家事就由返佢自己處理。

岳華坦承曾經同亦舒（右）拍過拖，但如今已有40年不見。

亦舒兒子蔡邊村尋母40年。

亦舒與兒子蔡邊村