張可頤曾在微博發放一張騷人魚線相，惹來猜測相中人是否她？答案與胡杏兒的「我找到了！」一樣令人失望。可頤笑言：「我都想呀！希望有一日能扯高件衫show off一下。」相信，可頤想show off不止她的身材，還有她的演技。離開無綫後，可頤認為得到比失去的多，除可用自由人身份任意在港視、有線、nowTV及大陸工作，還能尋回真正自己，令身心得到快樂。

■張可頤曾患甲狀腺炎，令她深切領悟身體健康的重要性。

■港視最近傳減劇、減薪，曾出席活動支持港視的可頤仍對王維基有信心。
資料圖片

■可頤笑言要多下苦功，希望終有一日可以show off自己的人魚線。
微博圖片

去年boxing day張可頤送了一份大禮給網民，在微博貼上一張穿着黑色帶少許透視運動bra的女子半身相，一抹陽光、誘人纖腰，令人看後驚嘆：「索到爆！」44歲的張可頤如何keep到如此好身材，日前可頤接受本報訪問時，終解開謎團，她笑說：「我係咁瘦，但冇咁firm，操到咁fit要落好多苦功，希望有一日我都可以扯高肚皮show off一下。」

【放竹蜻蜓】
■張可頤現在是自由人，除拍港視劇外，早前亦到美荷樓為有線新節目做主持。

醒覺健康可貴

6年，可頤患上甲狀腺炎，令人生跌入谷底，康復後令她更注重健康，平時喜歡行山及練習瑜伽，拍攝期間拿着咖啡杯仍不忘一顯身手，在鏡頭前做出單腳平衡動作，她說：「以前拍劇好辛苦，每日瞓得三、四個鐘，當時身同心都有病，一直以為自己撐得住，但原來不經不覺已經捱壞咗身子，得出一場大病。慶幸個病嚟得早，可以及早醒覺健康好重要。」

【辛苦洗衫】

離開無綫後，讓可頤能騰出更多時間做自己想做的工作，過自己想要的生活，她說：「以前真係見到郊外就驚，因為去到咁偏遠一定係拍古裝，仲要搵唔到地方大小二便，簡直係鬼地方。但o依家學懂設計自己嘅生活，計劃自己想過嘅人生；間中一個人揸車去郊野公園行吓，大自然係好好嘅治療心靈地方，畀自己充充電。」她又讚港視的合約條款講得出做得到，她說：「喺TVB海味（周海媚）都定明有幾多個鐘休息，但最後冇守承諾；但王生（王維基）呢邊合約定明有十個鐘（休息），之前拍《客家女人》真係做得到，4月中會再幫佢哋拍一部時裝劇，唔擔心冇地方播出街，網上係未來傳播大趨勢。」

昔日的可頤只懂得追求物質享受，她說：「我都年輕過，見自己做得咁辛苦，就用買嘢嚟發洩，試過碌爆卡，o依家睇番先發覺以前生活好枯燥。」早前有傳聞指可頤斷供樓，她淡然地解釋：「以前努力做嘢時都搵到啲錢，投資仲賺咗，我係一個好保險嘅人，唔會買一層自己供得好吃力嘅樓。」

【輕鬆摸牌】

承認有追求者

仍是單身的可頤始終不想被人問長問短，她被迫供下承認有人追，但未有詳談追求者身份，只說：「如果真係有真命天子，會考慮話畀大家知，呢啲事唔需要隱瞞。」問可接受姊弟戀？可頤即提出多個疑問謂：「o依家呢個年代都冇乜所謂，係咪男大過女一定快樂？或者女大過男一定唔快樂？其實兩個人之間最重要講感覺，但結咗婚又係咪一定比單身好呢？」

■可頤試蹲坑廁。

踎坑廁體驗生活

曾為港視發牌上街遊行，不少人已認定可頤是港視藝人，但她澄清：「我同港視份約去年底已約滿，o依家係自由人，可以接任何一間電視台。」早前可頤為王賢誌在nowTV主持的節目做嘉賓，最近又替有線主持新節目《激活．空間大改造》，日前在石硤尾美荷樓取景，見到70年代好多舊事舊物表現興奮，尤其是木板麻雀枱及坑廁，忍不住上前試蹲，她興奮地說：「可能係自己out，唔係因為做節目，真係唔知香港有呢個活化地方。我咁嘅年紀睇番有好大感覺，香港呢個咁擠迫嘅城市，正正就需要一啲文化藝術地方畀大家去滋潤同放鬆一下，話畀人知香港唔止得shopping同買奶粉，畀外國人知多啲香港人嘅過去。」