準人妻張美妮巴黎影婚紗相

曾經無厘頭同曾志偉傳緋聞嘅張美妮,下月21號就同真命天子KK結婚喇!之前美妮一直好希望去巴黎影結婚相,今次終於願望成真喇。佢笑道:「KK一向係穩重踏實派,唔係由朝要錫到晚、特別浪漫嘅人,但因為影結婚相,應攝影師要求,所以影嗰日俾佢錫咗足足平常一年嘅總和,好開心!」

兩人為拍婚紗照,一日拍足12個鐘頭外景,拖住美妮遊走巴黎大街小巷;擺甫士嗰陣,美妮仲氹KK謂: 「chok得好呀老公。」

最令美妮驚喜嘅,就係兩人喺巴黎鐵塔上,KK喺鐵塔亮燈閃爍一刻,拎住鑽戒正式向美妮求婚:「今次旅程令我更加感受到KK嘅疼愛,互相更認定對方。」今輯婚紗相除咗有一對俊男美女,仲有佢哋個心肝寶貝——狗仔叻叻,但因為帶唔到去巴黎,所以特意為叻叻喺香港影多一輯結婚相,好sweet呢…

準人妻張美妮巴黎影婚紗相
巴黎影足12個鐘,不慣面對鏡頭嘅新郎哥KK,今次真係夠晒Chok了。
準人妻張美妮巴黎影婚紗相
美妮BB做主動
準人妻張美妮巴黎影婚紗相

準人妻張美妮巴黎影婚紗相
走佬俏新娘
準人妻張美妮巴黎影婚紗相
影婚紗相期間,KK於巴黎鐵塔正正式式向美妮求婚,令女方感動不已。
準人妻張美妮巴黎影婚紗相
佢就係叻叻喇!
準人妻張美妮巴黎影婚紗相
幸福的一家三口