33歲嘅張美妮將於11月21同圈外男友結婚，今日佢喺鑽石山出席婚紗展，仲大騷訂婚戒指，美妮話會喺Ritz-Carlton擺30幾圍酒，伴娘會係楊怡，其他姊妹有唔少係圈中人，好似楊思琦、楊卓娜同孟瑤等，陣容鼎盛。

問佢有冇請緋聞男友曾志偉，美妮話：「梗係有請佢，我當佢阿爸咁，如果佢嚟到飲就好開心。」

美妮又話自己母愛泛濫，所以結婚後不設防，努力做人，生兩、三個都冇所謂，實行做多仔婆。

張美妮喺活動上大騷訂婚戒指，佢話伴娘係楊怡。

張美妮坦言婚後不設防，會密密生B呀﹗