無綫藝人羅鈞滿（Moon）與無綫新聞女主播張文采拍拖4年多，昨日張文采在個人facebook暗示二人分手：「從來都唔會為自己做過嘅事後悔，但今次我實在太蠢，白白浪費了4年。依家我重生喇！一身鬆晒！」不過，有朋友誤會她即將離開無綫，最後張文采再留言解說：「我諗你會錯意，哈哈哈」，然後又寫：「我喺度做咗六年㗎！」擺明暗示自己所寫的「浪費咗4年時間」，並非指她在無綫的工作時間，然後她的朋友才知道她講的是感情事。

Moon跟張文采拍拖4年來經歷不少，Moon參加《星夢傳奇》不時獲女友留言隔空支持；張文采在2013年傳跟女主播黃紫盈在工作上罵戰，令黃紫盈在報道新聞期間在幕前流淚，當時Moon在微博留言力撐女友；今年5月Moon被偷拍到夜蒲追女仔，更有傳搭上空姐靚女，但男方堅稱獲女友信任，未知是否正是兩人分手的導火線？

羅鈞滿今日在將軍澳電視城為無綫新劇《巨輪II》試造型。談到女友主播張文采在網上宣布與自己的4年情已完結，他就首先表示多謝關心，然後謂：「佢都寫晒出嚟，我冇補充。」又指自己已回復單身，又指拍拖時從不炒作、博見報：「其實都係正常拍拖。」問他是否單方面接受分手？他就指分手已經一段時間。有指分手原因是因為他「花弗」和出現第三者，他謂：「唔關事，係大家去行自己嘅路會比較適合。」至於會否想過復合？他謂：「工作最緊要。」又指再見亦是朋友。