鄭俊弘明日30歲生日，男人三十而立，今次真係立喇——成立歌迷會！

今日鄭俊弘到九龍灣與歌迷慶祝，並即場成立歌迷會。現場有100位歌迷來為他慶祝，有女歌迷上台送抱，現場大部份都係中女歌迷，佢就話任何年紀都有，仲話曾於活動上見過80歲嘅婆婆。而一班歌迷則祝福鄭俊弘將來可以喺紅館開騷，兼奪最受歡迎男歌星獎。

鄭俊弘話，今年生日願望係有自己嘅歌曲同出碟，佢仲話下周五（15日）公司將佈成立星夢娛樂唱片公司，屆時佢會正式加盟。鄭俊弘又話，生日正日會休息，同媽媽及家姐食飯慶祝。咁會否同緋聞女友姜麗文一齊慶祝？佢話：「遲啲會同朋友食飯。」鄭俊弘一直冇承認對方嘅女友身份，只讚姜麗文係個好女仔，希望收到佢作嘅歌做生日禮物。問做「星夢」一哥？他說：「唔好咁講冇呢啲嘢，大家都係Family（一家人）。」問如何慶祝生日？他表示會在家中休息，和母親及家姐食飯。緋聞女友姜麗文呢？Fred 說：「會約成班朋友食飯。Everyone is a friend ，大家都係朋友，she is very good girl，very nice.（你唔畀個名份姜麗文佢爹哋秦沛會嬲？）Paul哥唔會嬲我。」問是否公司不准他公開戀情？他說：「公司冇叫我要隱藏啲乜。（怕歌迷唔接受？）唔係，自己都想集中工作，音樂同演戲多方面發展。」

見到個結他蛋糕，Fred開心到跳起。

誠心許願

真情流露