黃宗澤斬纜 楊崢被收車

【宗崢奇戀之物歸原主】楊崢與黃宗澤(Bosco)本月初驚爆姊弟戀,不過戀情來得快去亦快,自楊崢被傳劈腿兼有私生女,是非日日更新,經朋友勸喻後,Bosco亦打退堂鼓斬纜。熱戀時,Bosco大方給楊崢任用其仿古車,不過隨着「宗崢戀」玩完,Bosco已於前日火速把仿古車收回。

分手傳聞不置可否:畀條生路行吓

Bosco昨日到澳門出席活動,面對一連串追問,他顯得不耐煩。「搞到好似全港700萬人同我一齊拍拖,真人騷咁!」他透露楊崢已還車,但沒正面回應是否仍是情侶關係,他只說:「畀啲空間我哋,畀條生路行吓!」他還大拋金句:「生痔瘡都可以話係生大腸癌。」


■黃宗澤昨晚於上環出發往澳門,爽快承認已收回借給楊崢的仿古車。

Bosco乘直升機到澳門出席集團晚宴,甫到場隨即被大批傳媒包圍訪問,他初時面帶笑容,其後顯得不耐煩。對於周刊指楊崢借車不還,又要求他買樓,終被他狠飛的報道,Bosco說:「車呢啲借還好小事,但大家好多聯想和好敏感,其實不用咁大反應,她用完已經還了。楊崢有無叫我買樓?以現在的樓市,睇樓都戇居,無睇樓。」提到楊崢多負面新聞,有無睇穿這個人?Bosco說:「一個人點睇穿?我知道大家好關注這件事,但畀啲空間我哋。」追問兩人是否仍是男女朋友關係?還愛不愛楊崢?Bosco說:「畀啲空間我哋啦!」

避談黃媽媽不鍾意楊崢

Bosco接着感嘆:「我幾十歲人想正正經經拍拖,搞到全香港700萬人同我一齊拍拖,咁點拍?煩到廣大市民咁耐,我對廣大市民感到抱歉。兩個人的事,兩個人知就得。」Bosco避談黃媽媽是否不鍾意楊崢:「屋企事不用拿出來講。係咪斬纜?這些負面新聞,每個娛樂圈人都會遇到,要看怎樣處理,畀條生路行吓。」提到有前輩勸他分手,Bosco說:「點解大家仲知得多過我?我覺得要畀空間兩個人,點解搞到真人騷咁?唔使畀全港700萬市民睇。」他表示與楊崢有聯絡,但毋須公開講一周聯絡多少次,「唔使一日去幾次廁所都同大家講」。


■楊崢日前還風騷駕着Bosco的仿古車,大晒特晒。資料圖片

拋金句:生痔瘡都可以話係生大腸癌

楊崢被傳有10歲私生女,Bosco只說:「我有句格言,生痔瘡都可以話係生大腸癌。」至於歐陽妙芝暗示楊崢曾做第三者,Bosco說:「不需要回應,畀條生路行吓,不是事實的事已經有人回應了。」姚書軼爆楊崢試過開工No Show,Bosco聞言:「畀啲空間啦!」

騷擾到前緋聞女友感無奈

Bosco日前被指在私竇密會曾傳緋聞的酒吧老闆娘余小雅,有傳兩人有機會復合,他無奈地說:「搞到身邊朋友同生意拍檔無乜謂,我就快連社交生活都無。曾與陳嘉容發展感情?她(陳嘉容)都答咗,我日日都有睇新聞,唔睇唔知發生乜事。」