鄭祖（原名鄭錦榮）上星期五晚喺深圳屋企突然腦中風，送入醫院之後，第2日就過咗身，享年51歲。

佢嘅屋企人噚日喺深圳為鄭祖舉殯，今日就喺紅館福澤殯儀館搞追思會，搵鄭祖拍戲嘅周星馳人冇到但都送咗花圈。

鄭祖生前一班舞蹈員同行，仲有謝天華、毛舜筠、鄭中基等，而監製戚其義就帶住簡慕華等一班無綫藝員，都有嚟送別鄭祖，簡慕華走時仲喊到眼都紅晒。天華話：「鄭祖係我做舞蹈員時嘅大師兄，電影冇合作過，對上一次見已經係兩年前，聽到佢過身消息覺得好突然，希望呢位老朋友一路好走。」