諸葛紫岐懷孕近7個月現身

今日好多大肚靚媽出動呀,除咗有懷孕7個幾月嘅陳茵媺,仲有好耐冇見嘅諸葛紫岐(Marie)。

Marie今日同萬綺雯喺沙田出席鞋履品牌活動,懷胎近7個月嘅Marie身形fit爆,同茵媺一樣,肥肚不肥身,佢話重咗十幾磅,問佢怕唔怕偏輕?佢話醫生話BB都大,所以都冇問題。

Marie又話,陀BB至今都未嘔過,只係啱啱由溫哥華返港,仲未適應,而且香港空氣係差少少。佢話會留港開刀生B,方便家人照顧。Marie又大讚老公照顧好好,日日整嘢俾佢食,真係好sweet。

諸葛紫岐懷孕現身

諸葛紫岐懷孕現身

諸葛紫岐懷孕現身

諸葛紫岐懷孕現身

有指Marie喺哥華買咗好多男裝BB衫,佢話都有,問佢係咪陀仔?Marie就避談話遲啲先講,又笑指12月尾都知喇。Marie又恭喜剛宣佈懷男B嘅陳茵媺,話大家應該差唔多時間生B。

依家日日有報道指港爸港媽為咗下一代排長隊攞表格報讀幼稚園,仲要同冇份納稅但又來分薄港人福利嘅雙非爭,更有人趁十一黃金周假期,連日在港排隊「搶」表格,成功搶取得七、八校表格。有家長投訴被打尖;有內地人則自稱女兒很聰明,不取錄女兒的話,該校只取錄笨小孩喎。

Marie表示都係返到香港先至知道咁瘋狂:「聽到都滴晒汗,0依家等生咗BB先,讀書嘅嘢交俾老公搞。」相信Marie個B唔使報道北區幼稚園,亦唔需要上淘寶淘表格;港爸港媽嘅苦,只能睇報道先至知喇。