IQ考考笑

今期「考考笑」搵嚟超級搞笑嘅朱咪咪出題。廢話啲講句，佢呢條問題話易唔易、話難唔難，如果有睇開電視同聽慣歌，就會好快估中。可以俾個貼士大家，今次呢首係國語歌嚟嘅。難得問五個星，五個都識答，厲害！

G.E.M.　我好鍾意睇電視！

年紀小小嘅 G.E.M.，估唔到原來係專業電視迷，起初佢同媽咪姐講話 IQ零蛋，但一知道係估電視藝人，即刻勁大興趣，仲估得好快：「我成日睇 TVB！」咁識賣口乖，實有前途啦！

李思捷　乜係歌嚟o架咩？

最初都一頭霧水嘅思捷，聽完 tips後，竟然俾佢撞中，但佢撞中都唔知囉，仲發揮搞笑本色：「乜呢首歌嚟o架咩？ I’m sorry, Jay！」

徐子珊　齋諗都想笑！

淡定有錢剩嘅子珊，把口一味話：「唔好難為小妹喎！」以為佢好渣咩？錯了，兩秒就講出答案，叻女！

朱千雪　好簡單之嘛！

港姐原來真係美貌與智慧並重，起初朱千雪扮諗咗一陣玩吓媽咪姐，冇幾耐就自己開估：「我梗係識啦！扮吓嘢之嘛！」

萬綺雯　我聽過！

自認鱷魚頭老襯底嘅蚊蚊，一聽到話考 IQ，即時顯得有啲緊張，「唔識好瘀喎！希望唔好咁難啦！」不過聽完問題，即刻自信心返晒嚟，唔夠 5秒就答中啦！咁聰明，使乜驚！

朱咪咪開估：周杰倫名曲〈不能說的秘密〉（請用國語讀出）。