朱璇除了在處境劇《愛‧回家》飾演清清令觀眾受落外，早前在《情越海岸線》中飾演假扮「人妖」的小三亦備受讚賞，更因而跟前輩對手張國強傳出緋聞，被封新一代「姣精」，但她對封號相當受落，反而認為是讚賞她，不擔心有損形象，將來也不會跟男對手特別避忌。

撰文：杜淑霞 攝影：畢紹基 服裝：bread n butter
化妝：Kenny Cheung @ K’s Production House Ltd 髮型：Green Cheung @ Chin’G

朱璇笑言原來多年前拍攝《淚王子》時，已被認為很適合演「人妖」角色，「當時導演楊凡個朋友嚟探班，都話我好似河利秀，如果有變性角色嘅話，我係好適合人選，估唔到o依家喺劇集都有機會假扮一下。」

男演員彈開

被指似「人妖」，朱璇不但不介意，還樂在其中，「好多人讚我做得好搞笑，o依家出街都有小朋友叫我做『人妖』，證明我做得成功啦！作為演員當然開心啦！」但因角色跟對手張國強傳出緋聞，朱璇一樣不介意，「我哋大家知道唔係真，佢同我嗲哋咁大，佢只係當我好似囡囡咁照顧啫！我哋傾偈都係講套劇。」

由於媚態十足，朱璇更被封為新一代「姣精」，成為阿佘接班人，朱璇同樣樂觀面對，「大家有咁嘅錯覺，都係因為角色成功，即係我演得出個效果啦！我就當大家讚我㗎啦！我就唔覺得自己姣，你睇我冇乜緋聞就知啦！」雖然她堅決不會避忌男對手，但反而男演員卻怕了她，「我搵咗蔣（志光）老師教我廣東話，但係佢講明唔可以面對面，大家傾電話算，佢話費事喎！」

朱璇不用刻意經營，眉梢眼角已放電，難怪被指「姣」。