現年34歲的前歌手王秀琳（Mango）近年轉營飲食生意，因為緋聞未停過被封「集郵芒」。早前她被雜誌影到與80億太子爺莊家彬，以及多位富二、三代，包括趙式浩、廖偉麟（廖創興創辦人孫兒）相約打邊爐，被指與退選港姐Judy左右夾實莊家彬，雖然事後Mango與莊家彬暗示有人放料搞新聞，莊家彬更豪氣地謂：「全香港知我有女朋友」，惟雜誌昨日再報道「續集」，指Mango當晚坐莊家彬車走，直達對方跑馬地豪宅整晚未離開。

莊家彬昨日透過電話回應事件：「我嗰晚送完Mango返屋企，因為順路、佢住香港，我住香港，佢住半山，我住山，車都冇落過，又冇去過跑馬地，就直接返屋企。」對於接連與Mango傳緋聞，莊家彬表示：「呢個世界朋友唔係男就女啦，我唔覺得有乜嘢問題。」但他卻與Judy劃清界線，表示當晚飯局後沒有跟Judy再聯絡。

艷福不斷的莊家彬，最近被拍到與女友程新惠（右）去灣仔吃晚飯。

Mango昨日接受電話訪問時則表現勞氣：「首先我想澄清一樣嘢，我同家彬真係朋友咁簡單，第二，家彬佢嗰晚送咗我返屋企，之後就走咗嘞！根本就唔係傳媒講嘅咁樣，所以呢件事作得太過份，我真係要出嚟澄清。」Mango又謂：「我間餐廳冇執笠，仲喺度㗎，我唔明點解啲傳媒作嘢要咁誇張！」她又表明今次件事明顯有人放料，認為有人想做新聞都不應影響其他人，明寸Judy是放料者。

此外，昨日是莊家彬前度傅明憲（GiGi）45歲生日，她在社交網貼了一張潛水照，原來她與大班朋友到了菲律賓潛水，還戴了cute爆Hello Kitty潛水面罩落水及高舉V字手勢。