朱晨麗日日俾人吊 終於出事入急救站

最近無綫花旦相繼受傷,首度參與演出嘅朱晨麗,今日喺電視城在綵排台慶期間,由保安員陪同下,去咗電視城嘅急救站休息。朱晨麗話:「我係噚日綵排整親,可能因為有好多高難度動作,成日要練習,變咗骨同骨之間磨擦太多。我已經敷冲藥,但係我feel到自己啲骨係頂住,企喺度都覺得痛,唔知有冇其他事。」

台慶後日就係喇,朱晨麗傷成咁,佢喺呢個《女神愛上網》環節上又係主打兼難度最高,又要倒吊又要一字馬,死頂都唔係辦法,惟有改動作。佢話話:「我諗台慶嗰晚要改動作,做啲簡單啲嘅表演,真係好可惜呀!」

朱晨麗入急救站
朱晨麗連日綵排台慶高難度表演,終於拉傷咗條腰。
朱晨麗入急救站
模擬緊骨同骨之間點樣頂住咗。
朱晨麗入急救站
朱晨麗今日喺電視城綵排期間,由保安員陪同下,去咗電視城嘅急救站休息。
朱晨麗入急救站
喺呢個《女神愛上網》環節上,朱晨麗(左)嘅動作難度極高,日日係咁吊,真係好攞命。(資料圖片)