朱敏瀚讚鍾嘉欣做足家姐本分 樂瞳:佢係長期飯票

朱敏瀚讚鍾嘉欣做足家姐本分

無綫藝人朱敏瀚(Brian)最近在劇集《幸福摩天輪》飾演鍾嘉欣的弟弟,Brian大讚她是位好家姐:「因為我本身冇家姐,只有兩個哥哥,佢真係好照顧我,記得最後一次拍屋企戲,我前一日扯得好盡,跟住感冒病咗,所以錄影時個腦一片空白,但嘉欣好體諒我,仲一直安慰我,又同導演解釋點解我會咁,佢真係好take care我!」

Brian之前亦曾在其他劇集中飾演樂瞳弟弟,問他覺得哪一位更像姐姐?他笑言:「我同樂瞳熟啲,彼此之間太了解對方,所以我哋似朋友多啲,反而嘉欣會更加似家姐!」

朱敏瀚想有個鍾嘉欣咁嘅家姐!
朱敏瀚想有個鍾嘉欣咁嘅家姐!

樂瞳:佢係長期飯票

無綫小花樂瞳最近在新劇中再演任性少女,自然駕輕就熟,但原來外表開朗的她最近接連經歷親人離世,大受打擊的樂瞳仍保持積極心態,視之為寶貴人生經歷,寄望明年會更好。

樂瞳是快樂少女,剛經歷親人逝世的打擊,令她加速成長。

樂瞳最近在劇集《幸福摩天輪》中終告別學生妹,飾演尋人服務機構職員,戲份不少,她笑言拍攝過程非常開心,與主要對手鍾嘉欣、陳智燊(Jason)、蔣志光及陳偉洪等感情如一家人,幾乎每日嗌餸食飯,真的像返office工一樣,她更大讚Jason細心,經常慷慨解囊:「佢買好多零食畀大家,之後覺得太熱氣,又買生果,仲批埋切埋,更加係『長期飯票』請大家食飯,好人到爆,劇內劇外都係師兄!」

任性被肯定

提到今次角色「洗潔精」個性活潑又任性,經常跟同事鬥嘴,樂瞳演得入型入格,獲得不少稱讚,但她笑言現實的她隨着年紀漸長愈來愈文靜,問到會否覺得跟前幾套劇集相似?她亦擔心定型,但暫時先做好本分:「每次都係機會,佢哋覺得我勝任呢類角色,都係一種肯定!」她透露最近忙於拍攝新劇《師父.明白了》,戲路完全不同,挑戰甚大:「古裝劇又要打交,最後仲殉情自殺,好多感情戲都幾難處理。」


樂瞳渴望拍拖有人錫。

樂瞳(右)大讚陳智燊(左二)好人,是大眾「長期飯票」。

樂瞳與陳偉洪在新劇中有不少對手戲。

接連失至親

經常保持甜笑的樂瞳,原來最近經歷人生低潮,嫲嫲及婆婆於一個月內相繼過身,對她打擊甚大,難得她依然專業地繼續工作,並視之為成長的經歷,會積極面對:「呢段時間情緒係亂咗,要時間調節,但都令我更成長。」問到新一年願望,她希望家人身體健康,可繼續拍劇及再次攻樂壇,會否想拍拖?樂瞳說:「都想,希望唔開心時有人安慰吓,不過呢排冇時間識人而且冇乜心情。」